Blog

ARS Brings in New Year with Annual Gift-Giving Event

ՀՕՄը Երախտագիտութեամբ եւ Նուէրներու Բաշխումով Սկսաւ Իր Նոր Տարին

Կլէնտէյլ, Քալիֆորնիա.- Ամանորը բոլորիս համար եղած է եւ պիտի ըլլայ վերանորոգման գեղեցիկ առիթ։ Այո, առիթ մը վերատեսութեան ենթարկելու անցնող տարուան մեր իրավիճակը, սխալները տեսնելու եւ զանոնք ճշդելու համոզումով, իսկ յաջողութիւններով խթանուելու եւ լաւագոյնին ձգտելու հաւատքով։

Այս տեսլականով Հայ Օգնութեան Միութիւնը սկսաւ իր Նոր Տարին առաւել ոգեւորուած եւ առաւել պատրստակամութեամբ կատարելու մարդասիրական իր առաքելութիւնը, մանաւանդ, նկատի ունենալով, որ ՆՍՕՏՏ Արամ Ա. Հայրապետը 2017 տարին հռչակած է «Վերանորոգման Տարի»։

Ահա, այս հեռանկարով էր, որ Շրջանային Վարչութիւնը տարուան առաջին երախտագիտութիւնը յայտնեց Երեքշաբթի, 3 Յունուար 2017ի երեկոյեան, ամանորեայ խրախճանք մը պատրաստելով իր անդամներուն, որ մեծ ոգեւորութեամբ իրագործուեցաւ Պրանտվիւ ճաշարանի սրահը։

Երկրորդ նախաձեռնութիւնը կարիքաւոր ընտանիքներու երեխաներու ամանորեայ նուէրներու բաշխումն էր, որ տեղի ունեցաւ Չորեքշաբթի, 4 Յունուարի յետ միջօրէին, ՀՕՄի Կլէնտէյլի կեդրոնը։

Ուրախալի էր տեսնել զանազան տարիքի երեխաներ եւ երիտասարդներ, իրենց ծնողներու ընկերակցութեամբ փութացած էին ՀՕՄի կեդրոն, տօնական ուրախ մթնոլորտի մը մէջ ստանալու իրենց տարիքի յարմար խաղալիքներ եւ նուէրներով լի զամբիւղներ, տօնախմբելով ամանորի եւ Ս. ծնունդի գալուստը։

Ներկաները ողջունեց, ՀՕՄի մարդասիրական նպատակն ու գործունէութիւնը բացատրեց ՀՕՄի Ընկերային Ծառայութեան գրասենեակներու վարիչ տնօրէն Սօնա Ցնծալեանը։ Ան նաեւ նաեւ շնորհակալութիւն յայտնեց այն նուիրատուներուն, որոնց շնորհիւ կարելի եղաւ կազմակերպել մանուկներու յատուկ այս ձեռնարկը։

Այնուհետեւ, գրասենեակի պաշտօնէութեան եւ կամաւորներու օգնութեամբ 380 նուէրներ բաշխուեցան ներկաներուն, որոնք մեծ հրճուանք եւ ցնծութիւն ապրեցան, միաժամանակ վայելելով հրամցուող ուրախ նուագն ու մանաւանդ Կաղանդ Պապայի գալուստը։

«Նուէրներու բաշխման տարեկան այս ձեռնարկը կը խրախուսէ մեր համայնքը տարուէ տարի աւելիով օգնելու այն ընտանիքներուն, որոնք դժուարութիւններ կը դիմագրաւեն տօնական այս օրերուն», գոհունակութեամբ հաստատեց ՀՕՄի Շրջանային Վարչութեան գանձապահ Թամար Ուրիշեանը։

Այս տարի, ամանորեայ գեղեցիկ այս ձեռնարկը կարելիութիւն դարձաւ հետեւեալ կազմակերպութիւններու եւ անհատներու կատարած խաղալիքներու եւ նուէրներու շնորհիւ. ՀՕՄի Պըրպէնքի Արազ մասնաճիւղ, ՀՕՄի Փասատինայի Սօսէ մասնաճիւղ, Ծերակուտական Քաւըն Տը Լիոնի գրասենեակը, Արի Կիրակոս Մինասեան, Շամլեան ու Ռոզ եւ Ալեք Փիլիպոս Ազգային վարժարաններու, Հայ Քոյրերու վարժարանի, Ռումանահայերու Ռաֆֆի Մշակութային Հիմնարկ, Քրիստոնէական Առաքելութիւն Հայ Եկեղեցւոյ, Անի Համամճեանի, Մարիամ եւ Մէլինէ Ղազարեաններու եւ շարք մը անանուն անհատ նուիրատուներու։

ARS Brings in New Year with Annual Gift-Giving Event

Glendale, CA.- With 2017 proclaimed as the “Year of Renewal” by His Holiness Aram I, Catholicos of the Great House of Cilicia, the Armenian Relief Society (ARS) of Western USA and its Social Services Division kicked-off the New Year with revitalized spirit in carrying forward its charitable mission through a Gift-Giving Event held on January 4, 2017 for local children of low-income families.

A festive atmosphere filled the ARS Regional Headquarters as children and youth of all ages, accompanied by their parents and guardians, gathered to receive age-appropriate toys and gift baskets in celebration of the New Year and Christmas. Sona Zinzalian, Executive Director of ARS Social Services, delivered welcoming remarks and acknowledged the various donors, who contributed to making the event possible.

With the help of ARS staff and volunteers, a total of 380 gifts were distributed during the event, leaving a priceless impression on families, who also enjoyed holiday music and an appearance by Santa Claus. “This annual event of gift-giving engages our community year after year as they help families, who may be facing trying times during the holidays,” stated Tamar Orichian of the ARS Regional Executive Board.

This year’s event was made possible through generous toy and gift donations received by the ARS Burbank “Araz” Chapter, ARS Pasadena “Sosse” Chapter, Senator Kevin de Leon’s office, Ari Guiragos Minassian Armenian School, Chamlian Armenian School, Rose and Alex Pilibos Armenian School, Armenian Sisters Academy, RAFFI – Romanian-Armenian Cultural Association, Christian Outreach for Armenians Church, Ani Hamamjian, Mariam and Melineh Ghazarian, and a number of anonymous individual donors.

Post a comment