Blog

ARS Gala 2017 Held with Renewed Determination (Bilingual)

Ուրբաթ, 3 Փետրուար 2017ի երեկոյեան, շուրջ 400 ՀՕՄի համակիրներ, հովանաւորներ, նուիրատուներ եւ անդամներ մեծ ոգեւորութեամբ փութացած էին Տաղլեան մշակութային համալիրը, մասնակից դառնալու ՀՕՄի Շրջանային Վարչութեան տարեկան կալային եւ անոր ընդմէջէն տօնախմբելու մարդասիրական այս կազմակերպութեան արձանագրած նուաճումները, գնահատելու անոր տեղական եւ համաշխարհային ծրագիրներն ու բարենպաստ աշխատանքները։

Տարեկան գեղեցիկ այս ձեռնարկին կը մասնակցէին Թեմիս առաջնորդ Մուշեղ արք. Մարտիրոսեանը, ՀՕՄի կեդրոնական Վարչութեան անդամներ փոխ-ատենապետ Նայիրի Տէրտէրեանը, Ռիթա Հինդլեանն ու Մարալ Մաթոսեանը, ՀՅԴ Կեդրոնական Կոմիտէի ներկայացուցիչ Կարօ Իսբէնճեանը, Հայ Դատի Արեւմտեան Ամերիկայի յանձնախումբի ատենապետուհի Նորա Յովսէփեանն ու վարիչ տնօրէն Էլէն Ասատըրեանը, Համազգայինի Շրջանային Վարչութեան ատենապետ Մանուկ Չուխաճեան, ՀՄԸՄի Շրջանային Վարչութեան ներկայացուցիչ Արամ Երեմեան, Քալիֆորնիոյ Նահանգային Խորհուրդի նորընտիր անդամ Անթընի Փորթանթինօ, Կլէնտէյլի քաղաքապետական Խորհուրդի անդամներ Զարեհ Սինանեան եւ Վարդան Կարապետեան, Կլէնտէյլի քաղաքապետարանի քարտուղար Արտաշէս Քացախեան, Կլէնտէյլի Հանրային Վարժարաններու կրթական Խորհուրդի նախագահ տոքթ. Արմինէ Կարապետեան, Կլէնտէյլ Գոլէճի խնամակալ Մարմնի փոխ-նախագահ Դոկտ. Արմինէ Յակոբեան, պատկան մարմիններու ներկայացուցիչներ եւ այլ բազմաթիւ հիւրեր։

Հետզհետէ սրահ ժամանած մասնակիցները, ընկերային մտերմիկ ժամ մը անցնելէ, լուռ աճուրդին մասնակցելէ անկախ, նաեւ ականատես եղան ՀՕՄի նոր կայքէջի մանրամասնութիւններուն, որ իր հարուստ բովանդակութեամբ պաստառի վրայ ներկայացուեցաւ ներկաներուն։ Ձեռնարկի մասնակիցները մեծապէս գնահատելէ ետք ՀՕՄի նոր կայքը, ետք, մուտք գործեցին սրահ եւ առաջին հերթին ըմբոշխնեցին օրուան պաշտօնական յայտագիրը, որ սկիզբ առաւ Ամերիկայի Միացեալ Նահանգներու, անկախ Հայաստանի եւ ՀՕՄի Քայլերգները մեներգումով, որ գեղեցկօրէն կատարեց սիրուած երգիչ Րաֆֆի Քէրպապեանը, դաշնակի ընկերակցութեամբ Յովսէփ Թորոսեանին։

Ապա, ձեռնարկի կազմակերպիչ յանձնախումբի անունով ներկաները ողջունեց եւ անոնց ներկայութիւնը բարձր գնահատեց Քրիսթին Յովնանեանը, որ յիշեցնելով ՆՍՕՏՏ Արամ Ա. Կաթողիկոսի կողմէ 2017 տարին «Վերանորոգման տարի» յայտարարուած ըլլալը, վստահեցուց, որ ՀՕՄը վերանորոգուած ոգիով եւ հասարակաց նպատակով յառաջ պիտի մղէ իր մարդասիրական լայնածաւալ ծրագիրները։

Ապա, ներկայացուց ՀՕՄի երկար տարիներու զօրակցող օրուան հանդիսավար Ալիս Պետրոսեանը եւ բեմը յանձնեց անոր։

Ալիս Պետրոսեան ներկայիս Լոս Անճելըս գաւառի Կիներու յանձնաժողովի, ինչպէս նաեւ Հայ Դատի Դաստիարակչական յանձնախումբի նախագահն է։ Իր ամբողջ կեանքի ընթացքին եղած է դաստիարակ առաջնորդ Կլէնտէյլի եւ Փասատինայի հանրային Վարժարաններու Խորհուրդներուն։ Զանազան պատասխանատու պաշտօններ վարած է նահանգային մարմիններու եւ յանձնաժողովներու մէջ։ Տիկ. Պետրոսեան ծանօթ է իր համայնքին մատուցած ծառայութիւններով։ Ան բազմաթիւ անգամներ պարգեւատրուած է, յատկապէս կիներու եւ փոքրերու առնչուող կազմակերպութիւններէ ներս իր շարունակական կամաւոր ծառայութիւններուն համար։

Ալիս Պետրոսեան նախ շնորհակալութիւն յայտնեց իրեն ընծայուած պատիւին համար եւ հպարտութեամբ յայտարարեց, թէ ինք մեծ հաւատք ունի ՀՕՄի նկատմամբ, որուն մասին տեղեկացած է հաւատաւոր ՀՕՄուհիներ մօրմէն ու կեսուր մօրմէն, որոնց շնորհիւ նաեւ դարձած է մարդասիրական այս կազմակերպութեան հաւատարիմ զօրակցող բարեկամներէն մէկը։

Այնուհետեւ, ձեռնհասօրէն վարեց իրեն վստահուած հանդիսավարի դժուարին պարտականութիւնը եւ մերթ ընդ մերթ ներկայացուց օրուան պաշտօնական հիւրերը։

Սեղաններու օրհնութիւնը կատարեց եւ իր շնորհաւորանքները փոխանցեց Արեւմտեան Թեմի առաջնորդ Մուշեղ արք. Մարտիրոսեանը։ Առաջնորդ հայրը բարձր գնահատեց ՀՕՄի մեծ ընտանիքի անդամները, որոնք լաւապէս կը կատարեն իրենց վստահուած մարդասիրական պարտականութիւնները, հաւատարիմ մնալով ՀՕՄի առաքելութեան։

ՀՕՄի մօտիկ բարեկամ Քալիֆորնիոյ Նահանգային Խորհուրդի անդամ Անթընի Փորթանթինօ բարձր գնահատելով գաղութին մատուցած ՀՕՄի մարդասիրական ծառայութիւնները, յատուկ գնահատագիր մը յանձնեց Շրջանային Վարչութեան, որուն ստանձնումը կատարեց ատենապետուհի Ռեպեքա Պէրպէրեանը։

Գոհունակութեամբ ստանձնելէ ետք ակնարկուած գնահատագիրը, Պէրպէրեան փոխանցեց Շրջանային Վարչութեան պատգամը։ Առաջին հերթին հպանցիկ ակնարկ մը նետելով ՀՕՄի առաքելութեան եւ հետապնդած նպատակներուն, ան անդրադարձաւ շրջանի ներկայ պայմաններուն եւ ըսաւ. «Նկատի ունենալով ներկայ քաղաքական մթնոլորտն ու ընդունուած քաղաքականութիւնը, մենք աւելի քան երբեք պիտի կատարենք տքնաջան մեր աշխատանքը։ Այն իրականութիւնները, որ մենք կը դիմագրաւենք այսօր, կը վերահաստատեն մեր կազմակերպութեան իմաստն ու կշիռը, որոնց վրայ հիմնուած է աւելի քան մէկ դար առաջ, մեղմացնելու յարափոփոխ մարդկանց կարիքներու նկատմամբ տարուող պայքարն ու դժուարութիւնները, որպէսզի կարենանք բարեկեցիկ կեանք մը ապահովել հեռու եւ մօտ ապրող մարդկանց ու համայնքներուն», շեշտեց Պէրպէրեան եւ վստահեցուց, որ ՀՕՄը պիտի շարունակէ իր օգնութիւնը Հայաստանին, Արցախին եւ Ջաւախքին, ինչպէս նաեւ տեղական համայնքներէն ներս իր պայքարը պիտի շարունակէ տնազրկութեան, աղքատութեան եւ ընտանեկան բռնութեան դէմ։

Ապա, ակնարկեց ՀՕՄի Ընկերային Ծառայութեան գրասենեակներու եւ Հոգեբանական կեդրոնի լայնածաւալ ծառայութիւններուն, ՀՕՄի 16 վարժարաններէն ներս շուրջ 750 մանուկներու հայերէն լեզուի եւ մշակոյթի ուսուցման, ՀՕՄի զանազան ծառայութիւնները Հայաստանի ու Արցախի մէջ եւ կեդրոնացաւ նորագոյնին՝ ՀՕՄի Ստեփանակերտի Սօսէ մանկապարտէզի վերաշինութեան ծրագրին , որուն բացումը պիտի կատարուի Սեպտեմբեր 2017ին։ Այսուհանդերձ, Պէրպէրեան յայտնեց, թէ ՀՕՄը բազմաթիւ նպատակայարմար ծրագիրներ ունի իր առաջ, որոնք կ՚առնչուին անդամարշաւի, աշխատանիք հորիզոններու ընդարձակման, ծրագիրներու ընդլայնման եւ

նոր աղբիւրներու նուաճման։ Եզրակացնելով, ան խոստացաւ վերանորոգուած ուխտով շարունակել ՀՕՄի աշխատանքները, միշտ վստահելով մեր համայնքի զօրակցութեան։

Ատենապետուհիի տպաւորիչ պատգամէն ետք, ցուցադրուեցաւ շրջանին ՀՕՄի մատուցած լայնածաւալ ծառայութիւնները արտացոլող գեղեցիկ տեսաերիզ մը, որ մեծապէս գնահատուեցաւ ներկաներուն կողմէ։

Այնուհետեւ, խորհրդաւոր մթնոլորտի մը մէջ տեղի ունեցաւ ձեռնարկի տարեդարձը յատկանշող մոմավառութիւնը։ 38 ՀՕՄասէրներ, վառեցին իրենց հովանաւորած մոմը, իրենց հաւատացած կազմակերպութեան նորանոր լուսաւորումներու ակնկալութեան հեռանկարով։

Պաշտօնական յայտագրի աւարտէն ետք, երեկոն խանդավառեց Ալըն Ճի եւ իր նուագախումբը, պարի հնելով գրեթէ բոլոր ներկաները։ Ալըն Ճէյ նաեւ յայտարարեց իր յարգանքն ու հաւատքը ՀՕՄի նկատմամբ, մեծապէս գնահատելով անոր անսահման ծառայութիւնները հայ ժողովուրդին ու մարդկութեան։ Երեկոն վերջ գտաւ ուշ գիշերին, մեծ ոգեւորութիւն եւ խանդավառութիւն ստեղծելով մասնակիցներուն մօտ։

Պէտք է ընդգծել, թէ եզակի այս բազմամարդ ձեռնարկի յաջող կազմակերպումով, ՀՕՄը անգամ մը եւս փաստեց, թէ ինք իր մարդասիրական ծրագիրներով յարգանքը կը վայելէ իր շրջապատին։

 

The Armenian Relief Society (ARS) of Western USA’s Gala 2017 gathered nearly 400 members and supporters on Friday, February 3rd at Taglyan Cultural Complex. The elegant evening featured an entertaining program combined with live entertainment by the Allen G. Orchestra.

In attendance at this major event were His Eminence Archbishop Moushegh Mardirossian; ARS Central Executive Vice-Chairperson Nyree Derderian, Secretary Rita Hintlian and Advisor Maral Matossian; ARF Central Committee Representative Garo Ispendjian; Armenian National Committee – Western Region Chairperson Nora Hovsepian and Executive Director Elen Asatryan; Hamazkayin Regional Executive Chairperson Manoug Choukhadjian; Homenetmen Regional Executive member Aram Yermian; California State Senator Anthony Portantino; Glendale City Councilmembers Zareh Sinanyan and Vartan Gharpetian; Glendale City Clerk Ardashes Kassakhian; Glendale Unified School District Board President Dr. Armine Gharpetian; Vice-President of the Glendale Community College Board of Trustees Dr. Armine Hacopian, as well as representatives of various other organizations.

A silent auction took place during an intimate, pre-dinner cocktail hour as the organization’s newly revamped website was also on display for guests. The evening’s official program commenced with the singing of the Armenian, American, and ARS anthems by tenor Raffi Kerbabian, accompanied by pianist Hovsep Torossian.

Christine Hovnanian, ARS Gala Organizing Committee Chairperson, delivered welcoming remarks and reflected that in the same spirit that His Holiness Aram I has proclaimed 2017 as “The Year of Renewal,” the ARS will carry forward its wide-ranging humanitarian programs with a renewed spirit and common purpose. She then introduced the evening’s Master of Ceremonies Mrs. Alice Petrossian, an avid ARS supporter who currently serves as the President of the Los Angeles County Commission for Women and Chairperson of the ANC Educational Committee.

Reflecting on her personal and familial involvement with the Armenian Relief Society, Mrs. Petrossian recognized the official guests and dignitaries present at the event and praised the noble work of the organization. Thereafter, Archbishop Mardirossian performed the invocation and conveyed his blessings.

Rebecca Berberian, Chairperson of the ARS Regional Executive, delivered the Board’s message. She drew attention to the current reality that vulnerable populations face today and reflected on the fact that these circumstances remind us of similar conditions, as a result of which the Armenian Relief Society was founded. “As we did over a century ago, we will continue acting as a leading pillar of support and a beacon of hope for our communities. The current political climate and newly enacted policies, which we are dealing with today, call for the diligent work of our organization now, more than ever. The realities that we face today, reaffirm the significance and weight of our organization, one which was established over a century ago to meet the every-changing needs of people, to ease struggles and hardships, and to promote the welfare of individuals and communities near and far,” asserted Berberian.

Mrs. Berberian touched on the services delivered through ARS Social Services and the ARS Child, Youth and Family Guidance Center, the 16 one-day ARS schools that currently offer instruction to nearly 750 youth, and the organization’s wide array of programs in the Diaspora and throughout the homeland, in Armenia and Artsakh, including support of the recent ARS Stepanakert “Soseh” Kindergarten Rebuilding Project. Berberian then acknowledged the dedication of ARS members and supporters, who help implement the organization’s purposeful work.

Following Chairperson Berberian’s remarks, guests viewed a video presentation, which provided an overview of the ARS of Western USA’s multi-faceted programs and projects, which reach local communities, as well as Armenia, Artsakh, Javakhk, and Syria.

A candle lighting ceremony then took place with the participation of 38 candle lighters. During the program, California State Senator Anthony Portantino also presented a proclamation to the ARS for its service, which was received by Chairperson Berberian.

At the end of the evening’s official program, the Allen G. band entertained guests, who enjoyed a pleasant and lively atmosphere. As one of the region’s major fundraising events, the ARS of Western USA extends its deepest appreciation to its members, supporters, event donors and sponsors, who contributed to a successful event.

Post a comment