Blog

ARS Gala 2018 Marked with Great Success and Raises $210,000 (Bilingual)

ՀՕՄի Կալա 2018ի Յաջողութիւնը Մեծապէս Պիտի Նպաստէ Իր Ծրագիրներու Յաջողութեան – Ձեռնարկի Ընթացքին Գոյացաւ $210,000

Ուրբաթ, 9 Փետրուար 2018ի երեկոյեան, Տաղլեան մշակութային համալիր դարձեալ ժամադրավայրը դարձած է ՀՕՄի համակիրներուն եւ անդամներուն։ Աւելի քան 500 հայորդիներ համախմբուած էին անգամ մը եւս իրենց զօրակցութիւնը յայտնելու մարդասիրական կանացի այն կազմակերպութեան, որ 108 տարիներէ ի վեր պատնէշի վրայ է եւ ջանք չի խնայեր իր ժողովուրդին կարիքները հոգալու։

Այս նպատակով սրահ ներկայացած էին Արեւմտեան թեմի զոյգ առաջնորդներ Մուշեղ արք. Մարտիրոսեան եւ Յովնան արք. Տէրտէրեան, Հայ Կաթողիկէ համայնքի ներկայացուցիչ Բարսեղ Վրդ. Պաղտասարեան, Հայ Աւետարանական համայնքի ներկայացուցիչ վերապատուելի Վաչէ Էքմէքճեան, ՀՕՄի Կեդրոնական Վարչութեան անդամներ՝փոխատենապետ Նայիրի Տէրտէրեան, Ռիթա Հինդլեան եւ Մարալ Մաթոսեան, շրջանի ՀՅԴի Կեդրոնական Կոմիտէի անդամ Կարօ Իսբէնճեան, «Ասպարէզ» պաշտօնաթերթի գլխաւոր խմբագիր Աբօ Պողիկեան, Քալիֆորնիոյ նահանգային ծերակուտական Անթընի Փորթանթինօ, Կլէնտէյլի քաղաքապետ Վարդան Կարապետեան ու քաղաքապետական խորհուրդի անդամներ Զարեհ Սինանեան եւ Արա Նաճարեան, Պետական անձնաւորութիւններ, քոյր կազմակերպութիւններու ներկայացուցիչներ, համակիրներ, հիւրեր եւ մեծ թիւով ՀՕՄի անդամներ։

Ժամը 7ին սրահ ժամանած հիւրերը շուրջ մէկ ժամ ընկերային մտերմիկ ժամանց մը ունենալէ եւ միաժամանակ լուռ աճուրդին մասնակցելէ ետք, գրաւեցին իրենց տեղերը սրահէն ներս։

Օրուան պաշտօնական յայտագիրը սկիզբ առաւ Ամերիկայի Միացեալ Նահանգներու, անկախ Հայաստանի եւ ՀՕՄի Քայլերգները մեներգումով, որ կատարեց սիրուած երգիչ (Tenor) Րաֆֆի Քէրպապեանը, դաշնակի ընկերակցութեամբ Յովսէփ Թորոսեանին։

Ձեռնարկի կազմակերպիչ յանձնախումբի անունով ներկաները ողջունեց Վիքի Մարաշլեան, որ շնորհակալութիւն յայտնելով մասնակիցներուն իրենց ներկայութեան համար, ընդգծեց ՀՕՄի մարդասիրական ծրագիրներու կարեւորութիւնը եւ ըսաւ. «… Այն մարտահրաւէրները, որ մարդկութիւնը կը դիմագրաւէ համայն աշխարհի վրայ, կը վերահաստատեն կազմակերպութեան մը իմաստն ու անհրաժեշտութիւնը, ինչպիսին է աւելի քան 100 տարիներ առաջ հիմնուած մեր կազմակերպութեան՝ ՀՕՄի պարագան։ Հասարակութիւնը բարելաւելու մեր կազմակերպութեան ձգտումը երբեք կանգ չառաւ, այլ ընդհակառակը շարունակեց աճիլ, ծաղկիլ ու զարգանալ»։ Ապա, շնորհակալութիւն յայտնելով ներկաներուն իրենց քաջալերական մասնակցութեան համար շարունակեց ըսելով՝ «Մեր զօրակցողներու ամբողջական հաւատքին եւ վստահութեան շնորհիւ, մենք համոզուած ենք, որ պիտի շարունակենք Հայ Օգնութեան Միութեան լայնածաւալ ծրագիրները եւ մարդասիրական նպատակները։ Վստահ եղէք, որ մենք կը ճանչնաք ձեզմէ իւրաքանչիւրը եւ ձեր գնահատելի աջակցութիւնը մեր կազմակերպութեան նկատմամբ»։

Սեղաններու օրհնութիւնը կատարեց եւ իր շնորհաւորանքները փոխանցեց Արեւմտեան Թեմի առաջնորդ Մուշեղ արք. Մարտիրոսեանը, որ նաեւ հրաւիրեց Յովնան Արք. Տէրտէրեանն ու ներկայ հոգեւորականները մասնակցելու աղօթքին։ Առաջնորդ հայրը շնորհաւորելէ ետք ՀՕՄի մեծ ընտանիքն ու օրուան գեղեցիկ ու յաջող ձեռնարկը, մաղթեց, որ «ՀՕՄի մարդասիրական, կրթանուէր, հայրենասիրական ծառայութիւններու օժանդակութեան եւ զօրակցութեան համար կազմակերպուած այսօրուան ձեռնարկը, իր իրագործումը կ՚ունենայ յաջողապէս շնորհիւ ձեր ներկայութեան եւ զօրակցութեան եւ յատկապէս Հայաստանի Հանրապետութեան 100ամեակի անկախութեան շունչով եւ տեսիլքով ՀՕՄի ծրագիրները առաւել եւս յաջողութեամբ կը պսակուին»։

Շրջանային Վարչութեան պատգամը փոխանցեց ատենապետուհի Սիլվա Փօլատեան, որ առաջին հերթին շնորհակալութիւն յայտնեց Հայ Յեղափոխական Դաշնակցութեան, որ իր մեծագոյն գործիչներէն Ակնունիին միջոցաւ հիմը դրած էր կանացի այս կազմակերպութեան՝ ՀՕՄին, որ իր ազգանուէր նպատակներուն շնորհիւ 108 տարիներ գոյատեւեց։ Ապա, անդրադառնալով ՀՕՄի հետապնդած նպատակներուն, ըսաւ. «ՀՕՄը ձեռք կ՚երկարէ հայ որբին, գաղթական հայուն, իսկական ջարդէն ազատած, սակայն օտար այս ափերուն ճերմակ ջարդի մտավախութեամբ մեծցող սերունդներուն, տնազուրկին, աշխատանք փնտռողին, անօթեւան մնացողին եւ այսպէս կարելի է շարքը երկարել…

«Ճիշդ այս նպատակով ալ, ՀՕՄը իր մեծագոյն պարտականութիւնը նկատեց մայրենի լեզուի, հայկական մշակոյթի ու աւանդութիւններու պահպանումը։ Ե՛Ւ յաջողեցաւ։ Այսօր, այս տեսլականի հաւատքին շնորհիւ է, որ ՀՕՄի Արեւմտեան ԱՄՆի շրջանը ունի 26 մասնաճիւղեր, 16 վարժարաններ եւ մանկամսուր մը»։

Ապա, կարեւորելով ՀՕՄի հոգեբանական կեդրոնի, Ընկերային Ծառայութեան գրասենեակներու, Շրջանային յանձնախումբերու եւ ՀՕՄի անդամներու հայ ժողովուրդի մատուցած ծառայութիւնները հայ ժողովուրդին, յայտարարեց, որ օրուան ձեռնարկի հասոյթը պիտի տրամադրուի գլխաւորաբար կարիքաւոր անհատներու եւ ընտանիքներու, եզրակացուց իր պատգամը հաստատելով. «Մենք պիտի չյուսահատինք եւ շնորհիւ մեր ժրաջան անդամներուն, առատաձեռն նուիրատուներուն եւ համակիրներուն յաջողութեամբ պիտի շարունակենք մեր սրբազան առաքելութիւնը, «Ժողովուրդիս հետ, ժողովուրդիս համար» իմաստալից կարգախօսով»։

Ատենապետուհիի տպաւորիչ պատգամէն ետք, սրտի իր խօսքը փոխանցեց, գեղեցիկ անակնկալով արդէն իսկ սրահ ներկայացած հայ ժողովուրդի բարեկամ ծերակուտական Ատըմ Շիֆ, որ առաջին հերթին շնորհաւորեց ՀՕՄը, գեղեցիկ երեկոյի կազմակերպման համար։ Ան նաեւ իր երախտագիտութիւնը յայտնեց ՀՕՄի Արեւմտեան ԱՄՆի շրջանին, իր տքնաջան աշխատանքին համար, որ մէկ դարէ աւելի ոչ միայն օգտակար կը հանդիսանայ տեղւոյն աղքատին, անկարողի ու տարեցին, այլ նաեւ Հայաստանին, Արցախին եւ համայն աշխարհին։

ՀՕՄի Կեդրոնական Վարչութեան անունով ելոյթ ունեցաւ Մարալ Մաթոսեան, որ 2018 տարին գերադասելով Հայկական առաջին պետականութեան հիմնադրութեան հարիւրամեակով, ընդգծեց ըսելով թէ «Մայիս 28-ի եւ Արցախեան Պայքարի ամեակ նշումները կու գան մեզի յիշեցնելու թէ Յաղթակա՛ն ենք՝ երբ միակա՛մ ոգիով, միացեալ, նուիրեալ ու կարգապա՛հ ուժերով կը լծուինք աշխատանքի»։ Այս առիթով ընկերուհին յայտարարեց, թէ Հայաստանի Առաջին Պետականութեան 100ամեակին պատշաճօրէն նշելու միտումով, 24 Մայիս, 2018-ին, Երեւանի պետական համալսարանէն ներս ՀՕՄ-ը ծրագրած է՝ «Հայ Կանանց Դերը Զարթօնքէն Առաջին Հանրապետութիւն» թեմայով խորհրդաժողով մը։ Իսկ անդրադառնալով ՀՕՄի Կեդրոնական Վարչութեան ընդհանուր ծրագիրներուն, ան փոխանցեց, հետեւեալ կարեւոր աշխատանքները.-

  • Համահայկական ուժերով ՀՕՄի Ստեփանակերտի Սօսէ մանկապարտէզի վերակառուցումը,
  • Հիւանդանոցի յատուկ անկողիններ հաշմանդամ զինուորներու վերականգնողական կեդրոնին համար,
  • ՀՕՄ-ի Ախուրեանի Մօր ու Մանկան Ծննդատան բարիքները, որ նաեւ շուտով արևային ջրաջերմացման սարքերով (solar panels) պիտի օժտուի, շնորհիւ Տոքթ. եւ Տիկ. Մուրատ եւ Ֆլորա Ուխտենցի նուիրատուութեամբ,
  • Տոմիկներու մէջ պրող Գիւմրիի քանի մը ընտանիքներու տուն յատկացնելու ծրագիրը,
  • 12 Մարտ 2018ին, ՄԱԿէն ներս, Կանանց Իրավիճակի Յանձնաժողովին 62-րդ խորհրդաժողովի մասնակցութիւնը։

Եզրակացնելով Մաթոսեան վստահեցուց, թէ ՀՕՄը «Քաջ գիտակցելով որ այժմ, մեր վսեմ պարտականութիւնն է տէր կանգնիլ մե՛ր հայրենիքին, մե’ր Արցախին, մե՛ր հարուստ ժառանգին ու հերոսական պատմութեան, մե՛ր ժողովուրդին, հեռաւոր սփիւռքէն մինչեւ Արցախի սահմաններու խրամատները» եւ հաստատեց, թէ ՀՕՄի Արեւմտեան ԱՄՆի շրջանը Միութեանս ամենագործօն միաւորներէն մէկն է։

Այնուհետեւ, Շրջանային Վարչութեան ատենապետուհի Սիլվա Փօլատեան, յայտարարեց օրուան անակնկալը՝ ՀՕՄի համակիրներէն տիկ. Մանուշ Մամեանի նուիրատուութիւնը։ Տիկ.Մամեան, հաւատալով ՀՕՄի արդիւնաւէտ գործունէութեան, իր ամուսնոյն, հանգուցեալ Կարէն Մամեանի յիշատակին $50,000 կը նուիրէ Հայ Օգնութեան Միութեան, երկու տուներ հովանաւորելով Գիւմրիի մէջ։ Տիկ. Մամեան մեծապէս տպաւորուելով ՀՕՄի գործունէութեան մասին փոխանցուած տպաւորիչ պատգամներէն, տեղւոյն վրայ իր նուիրատուութիւնը բարձրացուց $100,000-ի։ Իշխանական եւ ազգանուէր այս նուիրատուութիւնը երկարաշունչ ծափողջոյններով մեծապէս գնահատուեցաւ ներկաներուն կողմէ։

Այնուհետեւ, ելոյթ ունեցաւ նաեւ Քալիֆորնիոյ Նահանգային Խորհուրդի անդամ Անթընի Փորթանթինօ, որ բարձր գնահատելով իր հայրենիքին եւ սփիւռքի տարածքին ՀՕՄի կարօտեալներուն մատուցած մարդասիրական ծառայութիւնները, յատուկ գնահատագիր մը յանձնեց Շրջանային Վարչութեան, որուն ստանձնումը կատարեց ատենապետուհի Սիլվա Փօլատեան։

Պաշտօնական յայտագրի վերջին բաժնով խորհրդաւորութեամբ տեղի ունեցաւ ձեռնարկը յատկանշող մոմավառութիւնը։ 64 հայորդիներ եւ ՀՕՄի մասնաճիւղեր վառեցին իրենց հովանաւորած մոմը, նորանոր նուաճումներ եւ լուսաւոր ապագայ մաղթելով ՀՕՄին։Այնուհետեւ երեկոն խանդավառեց Ալըն Ճի եւ իր նուագախումբը։ Գեղարուեստական ճոխ յայտագրին մաս կազմեց նաեւ հայրենի հիւր երգիչ Անտրէն։ Յաջողութեամբ պսակուած շնորհաւորելի այս ձեռնարկը վերջ գտաւ ուշ գիշերին, մեծապէս խանդավառելով մասնակիցները։

Կասկած չկայ, որ ՀՕՄի ղեկավարութիւնը անգամ մը եւս յուսադրուեցաւ իր համակիրներով ու անդամներով, որոնք հաւատալով ՀՕՄի մարդասիրական եւ ազգանուէր գործունէութեան, մեծապէս կը քաջալերեն եւ թիկունք կը կանգնին անոր։ Յատուկ շնորհակալութիւն պէտք է արձանագրել նաեւ ՀՕՄի բոլոր հովանաւորներուն եւ նուիրատուներուն, որոնց զօրակցութիւնը մեծապէս կը նպաստէ ՀՕՄի ծրագիրներու յաջողութեան։

###

Los Angeles, CA.- Over 500 ARS members, supporters, and guests gathered for the Armenian Relief Society of Western USA’s Gala 2018 at Taglyan Cultural Complex on Friday, February 9, 2018. The event celebrated the 34th anniversary of the ARS of Western USA region, alongside its vast accomplishments in the humanitarian sphere.

Official guests in attendance included His Eminence Archbishop Moushegh Mardirossian, Prelate of the Western Prelacy of the Armenian Apostolic Church; His Eminence Archbishop Hovnan Derderian, Primate of the Western Diocese of the Armenian Church of North America; Father Parsegh Baghdassarian of the Armenian Catholic Church; Rev. Vatche Ekmekjian of the Armenian Evangelical Union of North America; ARS Central Executive Vice-Chairperson Nyree Derderian and Members Rita Hintlian and Maral Matossian; ARF Central Committee representative Garo Ispendjian; Apo Boghigian, Editor of Asbarez Daily Newspaper; California State Senator Anthony Portantino; Glendale City Mayor Vartan Gharpetian and City Councilmember Zareh Sinanyan; alongside other elected officials, representatives of sister organizations, supporters, and a large number of ARS members.

The event began with a cocktail hour starting at 7 p.m. during which a silent auction also took place. Upon the start of the official program, tenor Raffi Kerbabian sang the American, Armenian, and ARS anthems, accompanied by pianist Hovsep Torossian.

Welcoming remarks were delivered by Vicky Marashlian, ARS Gala Organizing Committee Chairperson, who thanked guests for their attendance and emphasized the importance of ARS programs, stating “The challenges faced by populations throughout the world only reaffirm the meaning and necessity of an organization, such as ours, founded over 100 years ago. Our organization’s passion to strive for the betterment of society has never faltered. Rather, this passion continues to grow, flourish, and thrive…It is limitless and knows no bounds, and it is this quality, found in each ARS member, that manifests itself into a drive to determinedly seek to offer vital aid, assistance, and resources, which reach and benefit communities across the globe.”

The invocation was performed by Archbishop Mardirossian, who invited Archbishop Derderian and the clergy of the Armenian Catholic Church and Armenian Evangelical Union to join in prayer. Upon addressing guests, Archbishop Mardirossian reflected on how the support of guests at the event successfully helps back the essential humanitarian and educational programs of the ARS. Citing the 100th Anniversary of the First Republic of Armenia, the Prelate assured that ARS programs will successfully carry forward into the future.

The ARS Regional Executive Board’s message was delivered by Chairperson Silva Poladian, who first extended appreciation to the Armenian Revolutionary Federation, whose member E. Agnouni founded the Armenian Relief Society 108 years ago. Poladian then stated, “The scope of the ARS reaches Armenian orphans, refugees, generations of Armenians who are survivors of the Armenian Genocide, homeless individuals and families, job seekers, and beyond.” She gave mention to the commitment of the ARS toward preserving the Armenian language and culture, proudly expressing that the ARS of Western USA region currently has 26 chapters throughout the Western United States, as well as 16 one-day schools, and one day-care center.

Thereafter, Chairperson Poladian stressed the importance of the ARS Social Services offices; the Child, Youth and Family Guidance Center; the work of regional committees and ARS members in serving the public. She affirmed, “The ARS will never be discouraged, yet will further its noble mission thanks to the diligent work of its members, donors, and supporters.”

U.S. Congressman Adam Schiff (California’s 28th District) made a surprise appearance at the event and delivered remarks to guests, extending thanks to the ARS of Western USA for its continuous efforts in assisting populations in need both locally and internationally. Congressman Schiff also particularly thanked the event’s Diamond Sponsors ($10,000), which included Forest Lawn, Mr. & Mrs. Varant and Hoori Melkonian, Mr. Mike Sarian, and Mr. & Mrs. Sarkis and Nune Sepetjian.

The ARS Central Executive Board’s message was delivered by Maral Matossian, who emphasized that the Armenian people are most successful when joined in common spirit and cause. She informed that on the occasion of the 100th Anniversary of the First Republic of Armenia, the ARS Central Executive Board has organized a conference on May 24, 2018 at the Yerevan State University titled “The Role of Armenian Women from Renaissance to the First Republic.” Reflecting on the work of the ARS Central Executive, she highlighted the following: the reopening of the ARS Stepanakert “Soseh” Kindergarten; sponsoring hospital beds at the Military Disability Rehabilitation Center in Armenia for wounded and disabled soldiers; the ARS Mother & Child Clinic and Birthing Center in Akhourian, Armenia where solar panels will be installed following a donation by Dr. & Mrs. Murad and Flora Ookhtens; implementing a program to secure homes for families in Gyumri; and upcoming participation at the 62nd Conference of the UN Commission on the Status of Women on March 12, 2018.

Following these remarks, Chairperson Poladian delivered a remarkable announcement to guests, informing that Mrs. Manoush Mamian has made a $50,000 donation to the Armenian Relief Society in memory of her husband, Garen Mamian, to sponsor the building of two homes in Gyumri, Armenia. Inspired by the work of the organization and the moving messages delivered throughout the evening, Mrs. Mamian immediately increased her donation to $100,000 at the event. The announcement was followed by great applause by guests in attendance.

California State Senator Anthony Portantino also addressed guests and the impactful humanitarian work of the organization. He presented a Certificate of Recognition to Chairperson Poladian recognizing the ARS of Western USA’s tireless advocacy of families in the homeland and Diaspora, as well as its philanthropic and ongoing commitment to promoting education and preserving the Armenian heritage.

A candle lighting ceremony then ensued with the participation of 64 candle lighters, sponsored by ARS chapters, members, and supporters. Entertainment followed by Allen G. Orchestra and a performance was also made during the evening by singer André.

There is no doubt that the ARS, including its leadership and membership, was encouraged once again by its supporters and their firm belief in the organization’s mission. The region extends its sincere thanks and appreciation to all sponsors and donors, who contributed to the success of this annual event.

 

###

Comment(1)

  1. REPLY
    Shake Tokatlian says

    Exceptional evening!!! thanks to the gala committee and hard working ARS ladies. God bless you.

Post a comment