Blog

ARS of Western USA Celebrates Members

Երախտագիտութիւն՝ ՀՕՄի Նուիրեալ Անդամներուն

Երախտագիտութիւնը շատ գեղեցիկ ժեստ մըն է, որ մեծապէս կը ոգեւորէ անոր արժանացող անհատը եւ մղում կու տայ անոր առաւել աշխուժութեամբ շարունակելու իր աշխատանքը, մանաւանդ երբ ան լոկ պարտականութիւն չէ, այլ՝ կամաւոր։

ՀՕՄը մարդասիրական կազմակերպութիւն ըլլալով, իր բոլոր աշխատանքները կամաւոր բնոյթ ունի եւ յաջողութեամբ կը պսակուին, շնորհիւ իր նուիրեալ անդամներուն, հաւատաւոր նուիրատուներուն եւ համակիրներուն։

Այս իրականութենէն մեկնած, ՀՕՄի ԱՄՆի Արեւմտեան շրջանի Շրջանային Վարչութիւնը, գեղեցիկ գաղափարը յղացած էր, իւրայատուկ երեկոյի մը ընթացքին իր երախտագիտութիւնը յայտնելու զինք ներկայացնող բոլոր Շրջանային յանձնախումբերուն եւ շրջանի ՀՕՄի մասնաճիւղերու վարչութիւններուն, որոնք անցնող երկամեակին  մեծ նուիրումով կատարեցին իրենց վստահուած պարտականութիւնները։ Աւելի՛ն, անոնք իրենց աշխատանքներուն ընդմէջէն հարազատ առաքեալները հանդիսացան ՀՕՄի սրբազան  առաքելութեան։

Եզակի այս ձեռնարկը տեղի ունեցաւ Հինգշաբթի, 17 Մայիս 2017, երեկոյեան ժամը 7էն սկսեալ, ՀՕՄի կեդրոնը, մասնակցութեամբ շուրջ 100 ՀՕՄի ժրջան անդամներու։ Ձեռնարկին հրաւիրուած էին եւ ներկայ գտնուեցան նաեւ ՀՕՄի Կեդրոնական Վարչութեան անդամներ Մարալ Մաթոսեան (Շրջանի ՀՕՄի կապ) եւ Ռիթա Հինդլեան։

Մէկ ժամուան գեղեցիկ հիւրասիրութենէ եւ մտերմիկ զրոյցներէ ետք, ներկաները բարի գալուստի քաղցր խօսքերով ողջունեց Շրջանային Վարչութեան ատենապետ Ռեպեքա Պէրպէրեանը։ Ան առաջին հերթին շնորհակալութիւն յայտնեց բոլոր ներկաներուն, որոնք ընդառաջած են Շրջանային Վարչութեան հրաւէրին։ Ապա, ընդգծելով ՀՕՄի առաքելութեան եւ զայն իրագործողներու կարեւորութիւնը, հպանցիկ ակնարկ մը նետեց շրջանի ՀՕՄի աշխատանքներուն վրայ, ընդգծելով ՀՕՄի Ընկերային Ծառայութեան գրասենեակներու, Հոգեբանական կեդրոնի եւ Շրջանային Վարչութեան գրասենեակի պաշտօնէութեանց, Շրջանային յանձնախումբերու եւ մասնաճիւղերու վարչութեանց իրագործած յաջող աշխատանքները եւ Շրջանային Վարչութեան երախտագիտութիւնը յայտնեց զանոնք լաւապէս իրագործողներուն, յատկապէս գնահատելով անոնց զոհողութեան ոգին։ Այնուհետեւ, ընկերուհին առիթ տուաւ մասնաճիւղերու  վարչութիւններուն ծանօթացման, որմէ ետք հրաւիրեց Շրջանային Վարչութեան իր գործակից անդամները  ներկայացնելու  իրենց գլխաւորած Շրջանային Յանձնախումբերը։

Շրջանային Վարչութեան անդամները հպարտութեամբ ներկայացուցին ՀՕՄի Վարժարաններու Խնամակալ Մարմնի, Դաստիարակչական, Հանգանակային, Զաւախք Ֆոնտի, Քարոզչական, Կանոնագրի, Արժեւորման, Հաշուեքննիչ, ՀՕՄի Ստեփանակերտի Սօսէ Մանկապարտէզի Վերաշինութեան Ծրագրի  եւ «ՀՕՄի Բարեկամներ» յանձնախումբերու աշխատանքները, առանձնաբար ներկայացուցին զանոնք յաջողութեամբ իրականացնող անդամները, շեշտեցին անոնց անձնազոհութիւնը եւ իւրաքանչիւրին կարմիր վարդ մը նուիրեցին առ ի երախտագիտութիւն իրենց կատարած անսակարկ նուիրումին։

Երեկոն վերջ գտաւ ուշ երեկոյին։ Ոգեւորութեամբ լեցուած ՀՕՄուհիները, յիշատակի նկարներ առնելէ ետք, յուզումնախառն ուրախութեամբ մեկնեցան տուն, երախտապարտ մնալով Հայ Օգնութեան Միութեան, այն կազմակերպութեան, որուն առաքելութեան հաւատքով կը գործէն անոր շարքերուն մէջ։

###

ARS Appreciation Night Celebrates Members

Glendale, CA.- Close to 100 members and volunteers of the Armenian Relief Society (ARS) of Western USA gathered at the ARS Regional Headquarters on May 17, 2017 for the time-honored ARS Appreciation Night. Year after year, this event allows the ARS Regional Executive Board to extend its gratitude to chapter executive and regional committee members, who advance the humanitarian mission and programs of the ARS with unwavering determination. ARS Central Executive liaison Maral Matossian and Board Member Rita Hintlian brought their attendance to this year’s event.

Amongst the social atmosphere, ARS Regional Executive Chairperson Rebecca Berberian delivered welcoming remarks and thanked attendees for accepting the invitation brought forth by the Board. She emphasized the importance of each of the region’s members, who volunteer their time tirelessly to advance the organization’s mission of humanitarian aid, cultural preservation, advancement of education, and beyond. Berberian highlighted activities of the region and paid special mention to the thriving work, spirit, and sacrifice of the staff of the ARS Regional Headquarters, ARS Social Services, the ARS Child, Youth, and Guidance Center, as well as volunteer regional committee and chapter executive members.

Thereafter, Board members had the opportunity to call attention to the recent undertakings of their respective regional committees. In doing so, the work of the following regional committees shined through: Board of Regents of ARS Schools, Educational, Fundraising, ARS Javakhk Fund, Public Relations, Bylaws, Evaluations, Auditing, ARS Stepanakert “Soseh” Kindergarten Rebuilding Project, and Friends of ARS.

The event brought assurance to the fact that the impact of each of the above-mentioned programs are extensive and their success is, without a doubt, attributed to the strength and determination of the ARS of Western USA’s membership.

Post a comment