Blog

ARS Gala Honors Volunteers and Celebrates Western Region (in English & Armenian)

Glendale, CA.- The entrance of sixty ARS honorees clad in tricolor ribbons entering the Glendale Hilton Hotel’s Grand Ballroom on Friday, April 27th for the Armenian Relief Society (ARS) of Western USA’s Gala 2012 sparked an overwhelming sentiment of  joy for over 500 guests, whose standing ovation proved a most inspiring start to an eventful evening.

Each of the honorees was selected by their respective chapter of the ARSWestern USA region to be recognized, on the occasion of the gala, for their excellence in service in categories including long-time member, financially supportive member, and exemplary member.

The momentous entrance followed with the start of the evening’s official program, commencing with welcoming remarks by Masters of Ceremony Grigor Ogaryan and Talar Aintablian, who introduced the evening’s guests. His Eminence Archbishop Moushegh Mardirossian, ARS Central Executive Chairperson Vicky Marashlian and Board Member Rosie Bedrossian, ACF Representative Anahit Aprahamian, Asbarez Editor Apo Boghigian, Los Angeles City Councilmember Eric Garcetti, Greg Krikorian of the Glendale Unified School District Board of Education, and representatives of sister organizations had joined ARS members and supporters for the celebratory evening. Thereafter, tenor Raffi Kerbabian sang the national and ARS anthems, accompanied by pianist Hovsep Torossian.

Following the invocation by Archbishop Mardirossian, Prelate of the Western Prelacy, guests watched a video message received for the occasion by Congressman Adam Schiff, after which they mingled and enjoyed dinner as entertainment was provided by an Armenian Folklore Music Group, directed by Ruben Haroutunyan.

Chairperson of the ARS Regional Executive Board Dr. Nyree Derderian delivered remarks and paid special mention to the commemoration of the Armenian Genocide that took place a few days prior on April 24th. She stated, “Three days ago, the Armenian nation commemorated the 97th Anniversary of the Armenian Genocide, a time of mourning, a time that no Armenian will ever forget. At that time, this nearly five-year old organization founded in the Diaspora, known today as the ARS, was by the side of Armenians during these horrific days assisting the displaced Armenians, who had survived the atrocities and found themselves in foreign lands mourning the loss of their loved ones…” Derderian touched on the local and international programs of the ARS of Western USA and congratulated the region’s 28th anniversary. Recognizing the ARS honorees, she further stated, “We celebrate our members, who through their dedicated years of service have always risen to the call of action. To be honored by your peers is the highest honor that can be bestowed on a person…”

Derderian introduced the keynote speaker, Judge Houry Sanderson, an active member of the ARS Fresno “Sophia” Chapter, whose topic covered “The Volunteer and the Code of Conduct of the Volunteer,” discussing the meaning of a true volunteer, its importance, and providing interesting information on volunteering rates among demographic groups. “We have rebuilt ourselves on the shoulders of an orphaned generation, which had the power to persevere, preserve and sustain itself to build the next several generations. We are the beneficiaries of their hard work and it is our responsibility, individually and collectively, and our duty to carry that work forward into the next millennium.”

As a means of introducing the ARS honorees to guests, a video presentation displayed personal photos of each of the 60 distinguished individuals. Later, a ceremony symbolizing the perpetuation of the ARS in an everlasting light ensued with 45 candle lighters, ranging from ARS chapters to supporters, illuminating their candles.

The ARS Regional Executive Board recognized Sona Zinzalian, ARS Social Services Executive Director, for her 30 years of service and presented her with a plaque in gratitude.

Also, Sevag Saghdejian and Nayeri Saghdejian-Kassajikian of Specialty Car Craft, which organized its First Annual Memorial Run on the occasion of April 24th where all proceeds benefited the ARS Armenia-Artsakh Orphans’ Fund, presented a $25,000 check to the ARS.

Throughout the evening, a recitation of a Baruyr Sevag poem by Grigor Ogaryan, the enjoyable selection of songs by tenor Raffi Kerbabian, as well as a duet by soprano Rima Garabedian and tenor Suren Mkrtchian, kept guests entertained and buzzing about their performances. A silent auction was also held in the lobby area with exclusive items by Le Papillon.

Guests left in high spirits and renewed faith in the programs and activities of the ARSWestern USA region. The success of the event is due in large part to the efforts of the organizing committee, headed by Jasik Jarahian, General Manager of the ARS Regional Headquarters.

ՀՕՄի Կալա-2012ը Պատմական Իրողութիւն Դարձաւ

Ուրբաթ, 27 Ապրիլ 2012ի երեկոյեան, Կլենտէյլի «Հիլթըն» պանդոկի սրահն ու շրջակայքը փոքրիկ Հայաստանի մը վերածուած էին: Ոտքի էր շրջանի ՀՕՄի ամբողջ ընտանիքը: Պատկան մարմիններու ներկայացուցիչներ, ՀՕՄի հովանաւորներ, նուիրատուներ, համակիրներ եւ շրջանի ՀՕՄի 27 մասնաճիւղերը ներկայացնող բիւրաւոր անդամուհիներ փութացած էին պանդոկի սրահը՝ տօնախմբելու համար շրջանի ՀՕՄի՝ առանձին միաւոր դառնալու 28րդ տարեդարձը:

Ընկերային գեղեցիկ ժամէն ետք, ներկաները շուրջ մէկ ժամ իրարու հետ հաճելի զրոյցներ ունենալով՝ վերապրեցան ՀՕՄէն ներս ունեցած իրենց գեղեցիկ յիշատակները եւ հայկական գեղեցիկ մեղեդիներով առաջնորդուեցան սրահ: Ձեռնարկը իւրայատուկ էր: Պիտի պարգեւատրուէին 60 վաստակաշատ ՀՕՄուհիներ, որոնք եռագոյն երիզները իրենց ուսերուն՝ հպարտանքով մուտք գործեցին սրահ, արժանանալով ներկաներու երկարաշունչ ծափողջոյններուն:

Ձեռնարկը սկիզբ առաւ ժամը 8:30ին, օրուան հանդիսավարներ Դալար Այնթապլեանի եւ Գրիգոր Օկարեանի բարի գալուստի քաղցր խօսքերով: Ամերիկայի, Հայաստանի եւ ՀՕՄի քայլերգները տպաւորիչ ձայնով մեներգեց ծանօթ երգիչ (թենոր) Ռաֆֆի Քերպապեանը, դաշնամուրի ընկերակցութեամբ՝ Յովսէփ Թորոսեանի:

Սեղաններու օրհնութիւնը կատարեց Հիւսիսային Ամերիկայի Արեւմտեան թեմի առաջնորդ Մուշեղ արք. Մարտիրոսեան, որ նաեւ հայրական իր պատգամը փոխանցեց՝ առաջին հերթին շնորհաւորելով շրջանի Հայ Օգնութեան Միութիւնը, ապա բարձր գնահատելով անոր ժրաջան անդամուհիները. ան ընդգծեց. «Հայ Օգնութեան Միութեան իւրաքանչիւր անդամուհի «Բարի սամարացի» մըն է, եւ միաժամանակ՝ մեղուաջան, առանց յոգնութեան աշխատող եւ սակայն միշտ արդիւնք տուող նուիրեալ…: Իւրաքանչիւր ՀՕՄուհի մաս կը կազմէ Արեւմտեան միութեան բանակին, որ լոյսի բանակ է, այլ խօսքով՝ այդ բանակի անդամները եւ նուիրեալները ոչ միայն ուխտեալներ են, այլ մանաւանդ հաւատարիմ ուխտեալներ, որոնք իրենց ուխտին եւ ծառայութեան մէջ ՀՕՄի սուրբ գործը պատրաստելու համար մնայուն երդուեալներ կը մնան»:

Ապա, վեր առնելով ՀՕՄի առաքելութիւնն ու մարդասիրական ծառայութիւնները՝ առաջնորդը շեշտեց ըսելով. «Ես կ՛ողջունեմ ձեզմէ իւրաքանչիւրը, սիրելիներ, եւ կ՛օրհնեմ իւրաքանչիւրին ծառայութիւնը եւ առաքելութիւնը, որովհետեւ Հայ Օգնութեան Միութիւնը անխոնջ նուիրումի եւ ծառայութեան ոչ միայն ոգին է, այլեւ՝ խորհրդանիշը եւ օրինակը մեր ազգային կեանքէն ներս»:

Առաջնորդ հօր հարազատ պատգամէն ետք, Ռուբէն Յարութիւնեանի ղեկավարած նուագախումբին հրամցուցած հայկական ժողովրդային մեղեդիներու ընկերակցութեամբ հրամցուեցաւ ընթրիքը:

Հայ ազգի բարեկամ ծերակուտական Էտըմ Շիֆ չկարենալով ներկայ գտնուիլ եզակի այս ձեռնարկին՝ յղած էր իր գնահատանքի պատգամը, որուն ներկաները գոհունակութեամբ հետեւեցան մեծ պաստառի միջոցով:

Շրջանային վարչութեան պատգամը փոխանցեց ատենապետուհի դոկտ. Նայիրի Տէրտէրեանը, որ ողջունելէ ետք ներկաները, հպանցիկ ակնարկ մը նետեց շրջանի ՀՕՄի հիմնադրութեան պայմաններուն, եւ հպարտութեամբ ընդգծեց, թէ «97 տարիներ առաջ, երբ Օսմանեան կառավարութիւնը գործադրութեան կը դնէր հայերը բնաջնջելու իր ծրագիրը, անդին, հեռաւոր Ամերիկայի Ֆրեզնօ քաղաքին մէջ, 1915ին հիմը կը դրուէր կանացի կազմակերպութեան՝ ՀՅԴ Կարմիր Խաչի «Մայր» մասնաճիւղին, որ հետագային՝ 1984ին, խարիսխը պիտի դառնար Հայ Օգնութեան Միութեան Միացեալ Նահանգներու Արեւմտեան շրջանին: Այսօր, Արեւմտեան այս շրջանը՝ իր 27 մասնաճիւղերով, ծաւալուն աշխատանք կը տանի տեղական ու համահայկական մակարդակներու վրայ»: Այս իմաստով, Ն. Տէրտէրեան յատկապէս շեշտեց ՀՕՄի մասնաճիւղերուն հովանաւորած վարժարանները, ուր հայ պատանին կը սորվի իր մայրենի լեզուն, մշակոյթն ու աւանդութիւնները, ինչպէս նաեւ Ընկերային ծառայութեան գրասենեակներու եւ հոգեբանական կեդրոնի օգտակար ծառայութիւնները՝ բոլոր մակարդակներու վրայ:

Ապա, շնորհակալութիւն յայտնելով ձեռնարկի կազմակերպիչ յանձնախումբին եւ ՀՕՄին նիւթապէս ու բարոյապէս նեցուկ կանգնող բարեկամներուն՝ ան շեշտեց, թէ երեկոն բացառիկ է, «որովհետեւ առաջին անգամ ըլլալով Շրջանային վարչութեան որոշումով եւ մասնաճիւղերու վարչութեանց ընտրութեամբ կը պատուըւին կարգ մը արժանաւոր ՀՕՄուհիներ, այն համոզումով, որ ընկերուհիներու կողմէ մեծարուիլը բարձրագոյն գնահատանքն է»: Ան յոյս յայտնեց, թէ այս նախաձեռնութիւնը գեղեցիկ աւանդութեան կը վերածուի եւ շարունակական կը դառնայ:

Եզրակացնելով՝ ան իր գոհունակութիւնը յայտնեց ներկաներուն, ՀՕՄին հանդէպ ցուցաբերած իրենց հաւատքին համար, եւ կոչ ըրաւ բոլորին, որ շարունակեն իրենց զօրակցութիւնը մարդասիրական այս կազմակերպութեան եւ ճամբայ բանանք ապագայ սերունդներուն եւ հայ ժողովուրդի յարատեւութեան:

Ապա Տէրտէրեան ներկայացուց օրուան գլխաւոր բանախօս՝ ՀՕՄի Ֆրեզնոյի «Սոֆիա» մասնաճիւղի աշխոյժ անդամուհիներէն դատաւոր Հուրի Սանտըրսըն, որ ընդգծեց, թէ ոչ-շահութաբեր կազմակերպութեան մը ողնածուծը կամաւոր աշխատանքը կը հանդիսանայ եւ բացատրեց, թէ ովքե՞ր են մեր կամաւոր աշխատողները եւ ինչո՞ւ կամաւոր աշխատանք կը տանին անոնք:

Ապա, կամաւոր աշխատանքներու մասին պետական վիճակագրութիւններէն մեկնած՝ ան հաստատեց, թէ իգական սեռի կամաւորները կը գերազանցեն իրենց ներկայութիւնը բոլոր տարիքներու, բազմազան մարզերէ ներս: Իսկ ակնարկելով օրուան պարգեւատրեալ ՀՕՄուհիներու խումբին կատարած կամաւոր աշխատանքներուն՝ ընկերուհին վստահեցուց, թէ անոնց հետ կատարուած նոյնանման վիճակագրութեան մը պարագային, շատ աւելի բարձր ցուցանիշեր պիտի արձանագրուին, որովհետեւ Ցեղասպանութեան ենթարկուած հայ ժողովուրդը որբացած սերունդներով եւ կամաւոր աշխատանքով ինքզինք վերակազմակերպեց, գոյատեւելու ուժը հզօրացուց իրեն մէջ եւ յարատեւեց, որպէսզի իր յաջորդող սերունդները եւս յարատեւեն:

«Մենք արդիւնքն ենք անոնց տքնաջան աշխտանքին եւ մեր պարտականութիւնն ու պատասխանատուութիւնն է անձնապէս եւ հաւաքաբար շարունակել անոնց աշխատանքը եւ փոխանցել զայն յաջորդ հարիւրամեակին», ընդգծեց ընկերուհին, եւ ապա թուարկեց կարեւոր կէտեր՝ կամաւոր աշխատանք իրագործելու միջոցներուն մասին, միաժամանակ հաւաստիցնելով, թէ «աշխուժութիւնը նաեւ առողջութիւն է»:

Այնուհետեւ տեղի ունեցաւ ձեռնարկի գլխաւոր առանցքը հանդիսացող պարգեւատրեալ 60 ընկերուհիներու ներկայացումը. անոնք ընտրուած էին մասնաճիւղերէն ներս իրենց երկար տարիներու ծառայութեան, նիւթական ներդրումին եւ օրինակելի կեցուածքին համար: Իւրաքանչիւր ընկերուհիի յանձնուեցաւ յուշանուէր մը, յայտարարուեցաւ անոնց անունները եւ պաստառի վրայ ցուցադրուեցան անոնց նկարները:

Այս ուրախ առիթով, օրուան հանդիսավար Գրիգոր Օկարեան, պարգեւատրեալներուն ձօնեց հայ մայրերուն հզօրութեան գովքը հիւսող արտասանութիւնը, որ իր հաճելի մեկնաբանութեամբ եւ ձայնով տպաւորեց ներկաները:

Պարգեւատրումի գեղեցիկ այս արարողութեան յաջորդեց օրուան տարեդարձը խորհրդանշող մոմավառութիւնը, որուն իրենց մասնակցութիւնը բերին 43 մոմավառներ՝ շրջանի մասնաճիւղերէն եւ ՀՕՄի բարեկամներէն:

Հանրութեան ներկայացուեցան նաեւ բացառիկ այս երեկոյի գլխաւոր հովանաւորները: Այնուհետեւ երեկոն առաւել յատկանշուեցաւ երկու անակնկալներով:

Առաջին՝ Շրջ. վարչութիւնը, բարձր գնահատելով ՀՕՄի ընկերային ծառայութեան գրասենեակներու վարիչ տնօրէնուհի Սօնա Ցնծալեանի 30 տարիներու ծառայութիւնը՝ յատուկ գնահատագիրով եւ յուշանուէրով մը պարգեւատրեց զայն: Անակնկալի եկած Ցնծալեան շնորհակալութիւն յայտնեց իրեն ընծայուած պատիւին համար եւ խոստացաւ շարունակել ծառայութիւնը իր ազգին ու շրջապատին:

Օրուան երկրորդ անակնկալը Սեւակ Սաղտըճեանի եւ Նայիրի Սաղտըճեան-Քասաճիքեանի կողմէ 25,000 տոլարի վճարագիրի մը յանձնումն էր ՀՕՄի «Հայաստանի եւ Արցախի Որբերու Ֆոնտ»ին. գումարը գոյացած էր բարձր մակարդակի ինքնաշարժներու ցուցադրութեան ձեռնարկէն, զոր անոնք կազմակերպած էին 24 Ապրիլին, առ ի յարգանք մեր նահատակներուն:

Երկու անակնկալներն ալ մեծապէս գնահատուեցան ներկաներուն կողմէ:

Երեկոյի պաշտօնական յայտագիրի վերջին բաժինով հրամցուեցաւ սքանչելի երգերու փունջ մը՝ արուեստագէտներ Ռաֆֆի Քերպապեանի (մեներգ), ինչպէս նաեւ Ռիմա Կարապետեանի եւ Սուրէն Մկրտիչեանի (զուգերգ) կողմէ, որոնք առաւել խանդավառեցին արդէն իսկ շիկացած մթնոլորտը:

Ամբողջ երեկոյի ընթացքին, սրահի մուտքին տեղի ունեցաւ իրերու լուռ աճուրդ՝ կազմակերպուած Le Papillon-ի կողմէ:

Պաշտօնական յայտագիրի աւարտին, երեկոն խանդավառեցին ջութակահար Ալէն Աղաճանեանն ու DJ Սագօն: Ձեռնարկի մասնակիցները մինչեւ ուշ գիշեր ուրախութեամբ պարեցին ու տօնախմբեցին օրուան յաղթանակը:

Շնորհաւորելի այս ձեռնարկը վերջ գտաւ առաւօտեան փոքր ժամերուն: Ներկաները գոհունակութեամբ մեկնեցան տուն՝ ՀՕՄին զօրակցելու պատրաստակամութեամբ: Պէտք է ընդգծել, թէ շրջանի ՀՕՄի մասնաճիւղերու ներկայացուցիչներէ բաղկացած եւ Շրջ. վարչութեան գրասենեակի տնօրէնուհի Ժասիկ Ջառահեանի գլխաւորած Կազմակերպիչ յանձնախումբը լաւապէս կազմակերպած էր ձեռնարկը, որուն բովանդակալից ծրագիրը զայն պատմական իրողութեան մը վերածեց:

ՄԱՐՕ ՔԷՇԻՇԵԱՆ

Post a comment