Blog

ARS Oakland Erepouni Chapter’s 80th Anniversary Program (in English & Armenian)

On March 9, 1934, sixteen women started a chapter of what was then the Armenian Red Cross in the Oakland area. This past March 9, 2014, the Oakland “Erepouni” Chapter of the Armenian Relief Society (ARS) celebrated the 80th Anniversary of that momentous day at the Khadourian Armenian Center’s Saroyan Hall in San Francisco, Calif.

A large crowd gathered at Saroyan Hall in San Francisco, decorated in the blue and white colors of the ARS, for a wonderful luncheon buffet and an exhilarating program. His Excellency Archbishop Moushegh Mardirosian, who graced us with his attendance, and Rev. Fr. Khoren Habeshian blessed the table. Dr. Garo Mirigian acted as emcee of the day, as children’s dance groups from the Bay Area’s “Hamazkayin” and “Erepouni” Chapter’s Friday Armenian School performed to loud cheers from the crowd.

Poetry recitations from Erepouni School students brought applause and tears to the eyes of the audience. Soprano Seda Kizirian thrilled everyone with her beautiful rendition of Armenian songs. Chapter Executive Chairperson Nora Shirikian presented a brief history of the chapter, and Lena Bozoyan, chair of the Regional Executive, spoke on behalf of the ARS.

The highlight of the program was a stirring speech by Dr. Alice Petrossian, a former Oakland chapter member herself, on the importance of women becoming active in all areas of Armenian causes and services.

The day was capped off by the presentation of service awards to those who have been members of the ARS for ten or more years. Ten members had earned the ten-year service pin, two members the twenty year pin, one member the thirty year pin, and two members were awarded a special certificate and pin from the ARS Central Executive Board for 50 years of service. Lena Bozoyan helped present the pins.

As the program continued, a silent auction was also on display along with donation boxes set up for the public to contribute to three special projects: The Syrian Armenian “Warm House” fund, the ARS “Sosse” Kindergarten project, and to “Erepouni” Chapter’s Friday Armenian School.

Special thanks go out from our ARS “Erepouni” Chapter to all our contributors and donors, our always supportive Bay Area Armenian community, and to His Excellency, our parish priests, and to the Regional Executive members who attended our event and made it so special.

ՀՕՄի «Էրեբունի» մասնաճիւղի 80ամեակի տօնակատարութիւնը

Հովանաւորութեամբ ՀՕՄի Արեւմտեան Ամերիկայի Շրջանային վարչութեան, կազմակերպութեամբ ՀՕՄի «Էրեբունի» մասնաճիւղի վարչութեան եւ կազմակերպական յանձնախումբին, «Էրեբունի» մասնաճիւղի հիմնադրութեան 80ամեակի տօնակատարութիւնը տեղի ունեցաւ Կիրակի, Մարտ 8ի յետմիջօրէին, ժամը 2:30էն սկսեալ, «Խաչատուրեան» Հայ կեդրոնի «Սարոյեան» սրահին մէջ, շուրջ 300 ՀՕՄականներու ու համակիրներու ներկայութեամբ:

Տօնակատարութեան ներկայ էին թեմիս առաջնորդ Մուշեղ արք. Մարտիրոսեան, Պօղոս աբղ. Թինքճեան, Խորէն Ա. քհնյ. Հապէշեան, Մեսրոպ քհնյ. Աշ, Յովէլ քհնյ. Օհանեան, Ազգային վարչութեան անդամ Սարգիս Շիրիքեան, ՀՕՄի Շրջանային վարչութեան անդամներ Լենա Պօզոյեան (ատենապետուհի), Արաքսի Այքանեան եւ Ճիւտի Ճինկիրեան, նաեւ՝ Ժասիկ Ջառահեան եւ Նովա Հինտոյեան, ՀՕՄի «Կարին» եւ «Ակնունի» մասնաճիւղերու ներկայացուցիչներ, «Քրիստափոր» կոմիտէութեան ներկայացուցիչ Հրայր Սարգիսեան, Ս. Գրիգոր Լուսաւորիչ եկեղեցւոյ հոգաբարձութեան ատենապետ Ռոստոմ Այնթապլեան եւ շրջանին մէջ գործող յարակից մարմիններու ներկայացուցիչներ:

Տօնակատարութիւնը սկսաւ ամերիկեան, հայկական եւ ՀՕՄի հիմներու երգեցողութեամբ՝ երգչուհի Սեդա Գիզիրեանի կողմէ, դաշնակի ընկերակցութեամբ Նայիրի Սարգիսի:

Բարի գալուստի խօսքերով երեկոյթին բացումը կատարեց «Էրեբունի» մասնաճիւղի վարչական անդամուհիներէն Յասմիկ Գոզանեան՝ ըսելով. «Այսօր ՀՕՄի «Էրեբունի» մասնաճիւղը կը տօնախմբէ իր 80 տարիներու աշխատանքը: Եթէ «Էրեբունի» մասնաճիւղը կրցած է 80 տարիներ իր աշխատանքը շարունակել, ապա՝ ի պատիւ ձեզի նման հայրենակիցներու, որոնք միշտ նեցուկ կանգնած են ՀՕՄին, որուն փաստը կը տեսնէք այսօր: ՀՕՄը միշտ եղած է իր ժողովուրդին կողքին եւ պիտի շարունակէ ծառայել՝ «Ժողովուրդիս հետ, ժողովուրդիս համար» իր կարգախօսով:

Օրուան հանդիսավար դոկտ. Կարօ Միրիկեան ձեռնհասօրէն վարեց յայտագիրը՝ միշտ վեր առնելով ու մեծապէս գնահատելով ՀՕՄի «Էրեբունի» մասնաճիւղի 80ամեայ գործունէութիւնը եւ ազգօգուտ աշխատանքը:

ՀՕՄի «Էրեբունի» մասնաճիւղի 80ամեակի առիթով շնորհաւորական ու գնահատական խօսքերով ելոյթ ունեցաւ Հիւսիսային Ամերիկայի Արեւմտեան թեմի առաջնորդ Մուշեղ արք. Մարտիրոսեան՝ ըսելով. «Կը շնորհաւորեմ ՀՕՄի ազգանուէր եւ միաժամանակ աստուածահաճոյ առաքելութիւնը, որովհետեւ դուք քիչ առաջ երգեցիք հայ կնոջ ոսկի սիրտը մեր ժողովուրդի ծառայական կեանքին մէջ, որովհետեւ բոլորդ ալ ձեր նուիրումով, ձեր ծառայութեամբ եւ յատկապէս ձեր սիրող սիրտով, ոսկի սիրտով կը ծառայէք այս մեր նուիրական ու գովելի կազմակերպութեան, որ աւելի քան մէկ դարու ծառայական կեանք ունի: Կը մաղթեմ, որ ՀՕՄը իր մասնաճիւղերու բազմատասնամեայ տարեդարձերը տօնէ: Աստուած առաջնորդէ իւրաքանչիւրին ծառայութիւնը, դէպի առաւել բեղուն գործունէութեան, ու Աստուած օրհնէ յիշատակը բոլոր նուիրեալ ծառայողներուն: Ես կ՛ուզէի շնորհաւորել ՀՕՄը, այս 80ամեակի հոյակապ առիթով, եւ մասնաւորաբար՝ «Էրեբունի» մասնաճիւղը: Աստուած օրհնէ բոլոր անդամուհիները, բոլոր անոնց, որոնք տուին ծառայութիւններ այս հոյակապ կազմակերպութեան, որոնք կը հանգչին դրախտի մէջ»:

«Ուրախութեամբ, յուզումի եւ հպարտութեան զգացումներով, ՀՕՄի Շրջանային վարչութիւնը կը շնորհաւորէ եւ սրտանց կ՛ողջունէ «Էրեբունի» մասնաճիւղի հիմնադրութեան 80ամեակը», սրտառուչ խօսքերով սկսաւ իր պատգամը Շրջանային վարչութեան ատենապետուհի Լենա Պօզոյեանը, որ շարունակելով՝ ըսաւ. «Պատահական չէ, սիրելիներ, որ այսօր Արեւմտեան ափի տարբեր շրջաններէ ՀՕՄուհիներ, հարազատ համակիրներ եւ հիւրեր համախմբուած են՝ նշելու համար ամեակ մը Հիւսիսային Ամերիկայի այս ափերուն վրայ աննման զոհաբերութեամբ բարեսիրական աշխատանք տարած ու տանող մասնաճիւղին, որ հայակերտման առաքելութեան կը ծառայէ: Շնորհակալութիւն «Էրեբունի» մասնաճիւղի բոլոր հովանաւորներուն, որոնք տարիներով նպաստած են մասնաճիւղի վերելքին: Շնորհակալութիւն Ուրբաթօրեայ վարժարանի տարիներու ուսուցչական կազմին ու տնօրէնութեան եւ մանաւանդ շնորհակալութիւն՝ մեր հիմնադիր եւ ուխտեալ ընկերուհիներուն, որոնք աննման նուիրումով ծառայած են Օքլընտի հայ գաղութին եւ մինչեւ օրս կը շարունակեն բարձր պահել ՀՕՄի առաքելութիւնը՝ մարդասիրական ծառայութիւններով: Վարձքերնիդ կատար ընկերուհիներ, հովանաւորողներ եւ սրտակից բարեկամներ. չկայ աւելի մեծ գոհունակութիւն քան անանձնական նուիրումն ու զոհաբերութիւնը՝ յանուն մեր ազգային իտէալներուն եւ մանաւանդ հայակերտման աշխատանքին»:

Ողջոյնի ու դրուատանքի խօսքերով ելոյթ ունեցաւ նաեւ ՀՕՄի «Էրեբունի» մասնաճիւղի ատենապետուհի Նորա Շիրիքեան՝ ըսելով. «Ազգային հպարտութեան անպարագրելի ոգիով եւ երախտագիտական ջերմագոյն զգացումներով կ՛ողջունեմ հայ ժողովուրդի ծոցէն ծնած, հայ ժողովուրդի ծառայութեան նուիրուած, մեր բոլորի գուրգուրանքին արժանացած ՀՕՄի Օքլընտի «Էրեբունի» մասնաճիւղիս 80ամեակը: Ճիշդ այսօրուան պէս, 80 տարիներ առաջ, 1934 Մարտ 9ին հիմնադրուած է «Էրեբունի» մասնաճիւղը, Գարեգին Նժդեհի նախաձեռնութեամբ: 80ամեայ այս հանգրուանը մեզի համար վերջակէտ մը չէ, այլ՝ մեկնակէտ, վերանորոգ յանձնարարութեամբ շարունակելու մեր ազգային առաքելութիւնը, նուաճելու համար նորանոր հանգրուաններ: Այս բոլորը կը հետապնդեն մէկ նպատակ՝ ծառայել հայ ժողովուրդին՝ ապահովելով անոր փայլուն ապագան, մասնաւորաբար նոր սերունդին՝ երաշխաւորելով անոր ազգային եւ հոգեւոր արմատներուն շարունակական թարմացումը, որպէսզի ան ապրի ու շնչէ հայօրէ՛ն՝ փոխանցելու ջահը գալիք սերունդին»:

Օրուան հիւր բանախօսն էր Լոս Անճելըսէն յատուկ հրաւիրուած դոկտ. Ալիս Պետրոսեանը: Ան խօսեցաւ մեր հանրային կեանքին մէջ կնոջ հեղինակութիւնն ու մասնակցութիւնը աւելցնելու կարեւորութեան մասին: Ան ըսաւ, թէ կինը նման է թէյի ծրարի մը, որուն զօրութիւնը կարելի չէ գիտնալ, մինչեւ չմխրճուի տաք ջուրի մէջ: Արդարեւ հայ կնոջ ուժականութեան եւ կարողականութեան լաւագոյն ապացոյցը կը հանդիսանայ աշխարհատարած հայ համայնքներուն եւ յատկապէս ՀՕՄի շարքերուն մէջ անոր գործունէութիւնն ու արդիւնաւէտութիւնը: Բանախօսը աւելցուց նաեւ, թէ ոչ միայն հայ կնոջ, այլեւ ամէն հայու եւ յատկապէս երիտասարդութեան պարտականութիւնն է՝ Ցեղասպանութեան 100ամեակի սեմին, յանձնառու պատասխանատուութեամբ գործի դաշտ նետուիլ, որովհետեւ, անտարբերութիւնը կամ կրաւորականութիւնը մեզի պէս փոքր ազգի մը զաւակներուն համար բնաւ արտօնելի կամ ներելի չէ: Ուստի, ան թելադրեց երբե՛ք «ո»չ չըսել եւ կամովին ընդառաջ երթալ մարտահրաւէրներուն՝ ընելով միշտ կարելի՛ն հայ ժողովուրդին համար:

Գեղարուեստական յայտագիրին իր մասնակցութիւնը բերաւ հայրենի սիրուած երգչուհի եւ Սան Ֆրանսիսքոյի հարս Սեդա Գիզիրեանը՝ մեկնաբանելով երեք երգեր՝ «Մարտիկի երգը» (խօսք՝ Գ. Սարեանի, երաժշտութիւն՝ Ա. Սաթեանի), «Կռունկ, բարով դառնաս» (խօսք՝ Գ. Էմինի, երաժշտութիւն՝ Ա. Հեքիմեանի) եւ «Գետաշէն» (խօսք եւ երաժշտութիւն՝ Գուսան Հայկազունի): Ելոյթ ունեցաւ նաեւ ՀՕՄի «Էրեբունի» մասնաճիւղի պարախումբը՝ պարուսոյց Յասմիկ Կրեկորեանի ղեկավարութեամբ: Արտասանութեամբ ելոյթ ունեցան «Էրեբունի» մասնաճիւղի ուրբաթօրեայ դպրոցի աշակերտներ Արա Տէր Մարտիրոսեան, Տիգրան Թաւշեան եւ Անի Ժամկոչեան: Հայկական սիրուն մենապար մը կատարեց փոքրիկն Միշել Ասատրեանը, իսկ Համազգայինի «Արազ» պարախումբի պարուհիները կատարեցին քանի մը հայկական հեզաճկուն պարեր՝ ղեկավարութեամբ սիրուած պարուսոյց Անի Այանեանի:

Տօնակատարութեան ընթացքին, զարդասեղներ եւ յուշատախտակներ յանձնուեցան միութեան վաստակաշատ ընկերուհիներուն, ձեռամբ երկարամեայ ու վաստակաւոր ընկերուհի Վիքի Մարգարեանի, առ ի գնահատանք իրենց ազգանուէր եւ երկարամեայ ծառայութիւններուն:

Յայտագիրի աւարտին, տիրող տօնական մթնոլորտին մէջ տեղի ունեցաւ 80ամեակի կարկանդակի հատումը: 80ամեակի տօնակատարութիւնը հասաւ իր աւարտին՝ ներկայ հոգեւոր հայրերու աղօթքով:

ՆՈՒՊԱՐ ՏԷՄԻՐՃԵԱՆ

Post a comment