Blog

Community Gathers in Support of ARS Festival (in English & Armenian)

Glendale, CA.- Armenian culture and traditions came to life over the course of two days for thousands, who visited the Glendale Civic Auditorium for the Armenian Relief Society (ARS) of Western USA’s 11th Annual Cultural and Food Festival on May 5-6, 2012.

A line-up of displays on the first floor of the auditorium offered welcoming attractions to festival-goers, including lavash bread and string cheese making demonstrations; traditional Armenian costumes from regions including Kharpert and New Julfa; a look back into history with exhibits by Armenian compatriotic unions; artwork; and an intriguing display of stamp collections covering literature, sports, history, and anniversaries.

A special section, also on the first floor, designated for children proved fun and entertaining for youth, who ran from one game booth to the next to claim prizes and also enjoyed a special face-painting station.

As more and more crowds gathered, not even the fact that there was only standing room available on the second floor of the auditorium during certain times of the day seemed to faze spectators. Rather, visitors closely followed and joined in on the lively performances by renowned Armenian singers and back-to-back performances by dance groups, such as Lilia Dance Studio and Van Dance Group, which showcased the talents of young children and teenagers.

On both days of the festival, Arshalous Darpinyan and Hourig Fournouzian MC-ed the program. The re-enactment of a traditional Armenian wedding by Saro’s Dance Group proved to be a continued festival favorite, whereby a procession of a near 30-member group dressed in costume recreated its merriment. The wide variety of foods was also a pull and most appetizing for guests, who enjoyed kebab plates, sandwiches, pastries, and more.

An exciting finale performance by singer Joseph Krikorian, drawing festival attendees and ARS members to the dance floor, capped off another successful community event.

“Year after year, we see a growing turnout from both the Armenian and non-Armenian community at the ARS festival, which offers a unique exposure to our culture and, at the same time, acquaints people with the ARS,” said Emma Garabetian, Co-Chairperson of the ARS Regional Festival Committee.

ՀՕՄի 11րդ Փառատօնը Հայկական Մշակոյթի Ներկայացման Տօն Հանդիսացաւ

ԿԼԵՆՏԷՅԼ.- Դարձեալ Մայիսի առաջին շաբաթավերջն էր: Մեծ եռուզեռի մէջ էր Կլենտէյլի «Սիվիք» հանդիսասրահը: Հեռուէն արդէն հայկական երգն ու պարեղանակները կը լսուէին՝ անցորդներուն հետաքրքրութիւնը շարժելով: Դարձեալ ոտքի էր շրջանի ՀՕՄի մեծ ընտանիքը՝ իր ղեկավարութեամբ ու անդամներով: Հայկական մշակոյթի եւ աւանդութիւններու ծանօթացման տօն էր դարձեալ, որ հանրութեան կը հրամցուէր ՀՕՄի Շրջանային վարչութեան կազմակերպած 11րդ փառատօնին ընդմէջէն, 5 եւ 6 Մայիսի շաբաթավերջին:

Փառատօնի այցելուները կը հիւրընկալուէին սրահի մուտքին, ժպտադէմ ՀՕՄուհիներու կողմէ: Սրահէն ներս, համադամ ճաշերուն կողքին աչքառու էր հայկական լաւաշի եւ թել-պանիրի պատրաստութիւնը, որ մեծ հետաքրքրութիւն կը ստեղծէր այցելուներուն մօտ: Ակնյայտ էին նաեւ զանազան հայկական գաւառներու տարազները, արուեստի գործերը, դրոշմաթուղթերու հաւաքածոները եւ հայրենակցական միութիւններու կողմէ ներկայացուող աւանդութիւնները:

Նոյն յարկին վրայ փոքրիկներ եւս ունէին իրենց զուարճանքի բաժինը, ուր բազմատեսակ խաղերով, յաղթանակի նուէրներով եւ դիմակայարդարումներով հաճելի ժամանց կ՛ունենային: Պէտք է ընդգծել, թէ բծախնդրութեամբ պատրաստուած մանուկներու այս անկիւնը մեծ ոգեւորութիւն ստեղծեց երեխաներուն մօտ, որոնք հաճոյքով հերթի կը սպասէին, որպէսզի իրենց սիրած խաղերով խաղային:

Մեծ ժողովրդականութիւն վայելող ՀՕՄի այս փառատօնին ներկայ գտնուեցան հինգ հազարէ աւելի մասնակիցներ, որոնք մեծ խանդավառութեամբ հետեւեցան ընթացող յայտագիրներուն. երբեմն շատեր նստելու տեղ չգտնելով՝ ոտքի հետեւեցան շրջանի ծանօթ պարախումբերու ներկայացուցած հայկական եւ միջազգային պարերուն: Անոնք նոյնիսկ ընկերակցեցան շրջանի արուեստագէտներու ժողովրդային ու ազգային ոգեւորիչ երգերուն: Երգացանկին վրայ յատկանշական էր մանուկ երգիչներու մեկնաբանումները, որոնք յուսադրեցին ներկաները եւ արժանացան անոնց երկարաշունչ ծափողջոյններուն: Իսկ բոլորին առընթեր, ՀՕՄուհիներու պատրաստած համադամ ճաշերը, առաւել ոգեւորեցին ներկայ հասարակութիւնը:

Երկօրեայ փառատօնի հանդիսավարութիւնը լաւապէս կատարեցին խօսնակներ Արշալոյս Դարբինեանն ու Հուրի Ֆուրնուզլեանը: Երկու օրերու ընթացքին պարուսոյց Սարօ Ասատուրեան, իր պարախումբի անդամ-անդամուհիներով, ներկայացուց այնքա՛ն սպասուած հայկական հին հարսանիքը՝ հարազատ իր տարազներով, աւանդական տհոլ-զուռնայով, մեծ ոգեւորութիւն ստեղծելով փառատօնի համալիրէն ներս:
Այս տարի մանկական հաճելի երգերով փառատօնի յայտագիրին մաս կազմեցին նաեւ ՀՕՄի շաբաթօրեայ վարժարաններու աշակերտութիւնը, «Արարատ» Չարթըր դպրոցի երգչախումբը՝ յանձինս Սարգիս Թահմազեանի, Լուսին Մարութեանի, Վահէ Ղարիպեանի, ինչպէս նաեւ Ռոպերթա եւ Ալլա Արեւեաններու:

Ինչպէս միշտ, այս տարի եւս իրենց սիրայօժար մասնակցութիւնը բերին շրջանի սիրուած երգիչ-երգչուհիներ, որոնց կարգին էին՝ Արշամը, Արման Պաղչէճեանը, Վարդան Պէրպէրեանը, Անթուան Պէզճեանը, Հրաչ Պողարեանը, Գէորգ Չագմանեանը, Մաքսիմը, Արթիւր Մատոյեանը, Դաւիթ Մինասեանը, Տիանա Սէրմանուկեանը, Արա Շահպազեանը, Վարուհի Շահինեանը, Նշան Չաղացպանեանը եւ Խաչիկ Զէնեանը:
Երկօրեայ յայտագիրները ժողովրդային եւ ազգային երգերով եզրափակեց Ժոզէֆ Գրիգորեանը:

Փառատօնի յայտագիրին տիրական ներկայութիւն եղան եւ անոր յաջողութեան մեծապէս նպաստեցին «Բարեկամութիւն», «Տաւիղ», «Կիլիկիա», «Կռունկ», «Լիլիա» եւ «Վան» պարախումբերը: Նաեւ պարուսոյցներ Սարօ Ասատուրեան եւ Սիմոն Օքսիւզեան իրենց աշակերտներով ներկայացուցին հայկական շուրջպարերը:

Կիրակի երեկոյեան, փառատօնը եզրափակուեցաւ կամաւոր ՀՕՄուհիներու շուրջպարերով: Երկօրեայ յաջողութիւններէն գոհացած ՀՕՄուհիները, սիրուած երգիչ Ժոզէֆ Գրիգորեանի հրամցուցած պարային երգերէն ոգեւորուած՝ անտեսեցին իրենց յոգնութիւնը եւ ուրախութեամբ պարեցին՝ տօնախմբելով իրենց արդար աշխատանքի գնահատելի արդիւնքները:

«Տարուէ տարի ՀՕՄի փառատօնի հայ թէ օտար մասնակիցներուն թիւը կը բազմանայ, ինչ որ իւրայատկութիւն մը կու տայ մեր մշակոյթի ներկայացման գծով, միաժամանակ ՀՕՄը ծանօթացնելով հանրութեան», շեշտեց փառատօնի կազմակերպիչ յանձնախումբի ատենապետներէն՝ Էմմա Կարապետեանը:

Այս փառատօնի յաջող կազմակերպումով, ՀՕՄը անգամ մը եւս եկաւ հաստատելու, թէ ինք տէր կը կանգնի հայկական մեր մշակոյթին ու աւանդութիւններուն:

Post a comment