Blog

Food and Folk Dancing at ARS’ 10th Annual Armenian Festival in Glendale (English & Armenian)

Glendale, CA.– On Saturday, April 30, and Sunday, May 1, 2011, the Glendale Civic Auditorium will come alive with music by popular Armenian singers, folk dance performances, costume shows, delectable foods and pastries, cultural exhibits and activities for people of all ages as the 10th Annual Armenian Cultural & Food Festival gets under way.

While the cultural component of the festival, organized by the Armenian Relief Society of Western USA, is a draw, many people visit for the delectable Armenian food. Satenig Nalbandian, who has ordered the food for the festival for 10 years running, expects that about 1,500 kufta, 1,500 sarma, 3,000 kebab skewers, and 1,000 lahmajune will be served. As many as 10,000 people are expected this year, in keeping with previous years’ attendance numbers.

Proceeds from the annual festival go to support the ARS Western USA’s various programs benefiting the needy, including the ARS Social Services Center, the Child, Youth and Family Guidance Center, and college scholarships.

Coinciding with the year that has been designated as the “Year of the Armenian Child” by His Holiness Aram I, Catholicos of the Great House of Cilicia, the festival will highlight children’s musical and dancing talents. ARS Saturday School students will perform songs during the opening ceremonies, which are scheduled for 1 p.m. on Saturday, April 30th, and festival guests will be entertained throughout both days with performances by various music schools and dance groups.

With Glendale being home to as many as 300,000 Armenians, the annual festival celebrates the richness of Armenian culture, allowing guests the opportunity to enjoy first-hand many deep-rooted traditions. Aside from the costume shows, Armenian folk dancing, and Armenian singers, the auditorium’s lower level will feature displays of regional costumes and artwork.

The Glendale Civic Auditorium is located at 1401 N. Verdugo Rd. in Glendale, Calif. Festival hours are 1 p.m. to 12 midnight on Saturday, April 30; and 11 a.m. to 7 p.m. on Sunday, May 1. Admission is $3 per person. The Los Angeles Times will run coupons on April 24, 2011 for free admission.

For more information, contact the ARS at (818) 500-1343, [email protected] or visit www.arswestusa.org.

ՀՕՄի 10րդ Փառատօնը Նոր Էջ Մը Բացաւ Հայկական Մեր Իրականութեան Մէջ

Շաբաթ, 30 Ապրիլ եւ Կիրակի 1 Մայիս 2011ին, ամբողջ երկու օրեր, Կլենտէյլի «Սիվիք» հանդիսասրահը հայկական մշակութային կեդրոնի մը վերածուած էր. հոն հնչեցին հայկական տհոլն ու զուրնան, հայ երիտասարդութիւնը խանդավառութեամբ հրամցուց հայկական երգն ու պարը՝ հմայելով ներկայ բազմահազար հայ եւ օտար հասարակութիւնը: Հայ Օգնութեան Միութեան ԱՄՆի Արեւմտեան շրջանի շրջանային վարչութեան կազմակերպած 10րդ փառատօնն էր իրականացուողը՝ հայկական զուարթ մթնոլորտի մը մէջ, նուիրուած միութեան 101րդ տարեդարձին:

Շրջանի հայկական իրականութենէն ներս յատուկ իր տեղը ունեցող հայկական այս փառատօնին բացումը յատուկ հանդիսութեամբ սկիզբ առաւ ժամը 2ին: Պաշտօնական հիւրերու կարգին էին՝ Արեւմտեան թեմի առաջնորդ Մուշեղ արք. Մարտիրոսեան՝ ընկերակցութեամբ Ս. Աստուածածին եկեղեցւոյ հովիւներէն Կոմիտաս քհնյ. Թորոսեանի, նաեւ ՀՅԴ Բիւրոյի անդամ դոկտ. Վիգէն Յովսէփեան, ՀՕՄի կեդրոնական վարչութեան անդամներ՝ ատենապետուհի Վիքի Մարաշլեան եւ Նովա Հինտոյեան, ՀՅԴ կեդրոնական կոմիտէի անդամներ Մարտիկ Կապուտեան ու Շանթ Պապուճեան, ինչպէս նաեւ քոնկրեսական Էտըմ Շիֆի, Հայ Դատի, Հայ Մշակութային Ընկերակցութեան, ՀՄԸՄի եւ Համազգայինի Շրջ. վարչութեանց, ՀԵԴի Կեդր. վարչութեան, Կլենտէյլի քաղաքապետութեան, ՀՅԴ «Ահարոնեան» կոմիտէի, Դաւթեան-Մարիամեան կրթական հաստատութեան, Armenian American եւ Crescenta Valley-ի Chamber of Commerce-ներու, ՀՄԸՄի Կլենտէյլի «Արարատ» մասնաճիւղի, Կլենտէյլի Ս. Աստուածածին եկեղեցւոյ հոգաբարձութեան, հայկական վարժարաններու եւ հայրենակացական միութիւններու ներկայացուցիչները, ՀՕՄի նուիրատուներ, համակիրներ, հիւրեր եւ բազմահարիւր անդամ-անդամուհիներ:

Հանդիսութիւնը սկսաւ շրջանի ՀՄԸՄի արի-արենոյշներու կատարած դրօշակի տպաւորիչ արարողութեամբ. անոնք ՀՄԸՄի փողերախումբի թմբկահարներու խրախուսիչ զարկերուն համաչափ եւ ինքնավստահ քալուածքով բեմ առաջնորդեցին Ամերիկայի, Հայաստանի, Քալիֆորնիոյ եւ ՀՕՄի դրօշները՝ գլխաւորութեամբ Միաւորի խմբապետ Արշակ Շահինեանի: Ամերիկայի, Հայաստանի եւ ՀՕՄի քայլերգները իր հմայիչ ձայնով մեներգեց վաստակաշատ արուեստագիտուհի Անահիտ Ներսիսեանը: Ձեռնարկի հանդիսավարութիւնը ձեռնհասօրէն կատարեց «Հորիզոն»ի խօսնակներէն Արշալոյս Դարբինեանը, որ օրուան պաշտօնական հիւրերը ներկայացնելէ ետք, վեր առաւ ՀՕՄի առաքելութիւնը՝ ընդգծելով անոր տիրական ներկայութիւնը համայնքէն ներս, եւ խրախուսեց ներկաները զօրակցելու մարդասիրական հսկայ այս կազմակերպութեան:

ՀՕՄի Շրջ. վարչութեան պատգամը փոխանցեց ատենապետուհի Արուսեակ Մելքոնեան, որ օրուան ձեռնարկը ՀՕՄի պատմութիւնը հարստացնող ազգանուէր գործունէութիւն մը բնորոշելով՝ վստահեցուց, թէ ՀՕՄի 10րդ փառատօնի յաջող կազմակերպումով, պատմական փայլուն էջ մը կ՛արձանագրուի շրջանի հայկական իրականութեան մէջ: Ապա, բարձր գնահատելով ներկաներուն եւ ընդհանրապէս ազգանուէր հայորդիներու քաջալերանքը՝ ըսաւ. «Ձեր եւ ձեր նման ազգանուէր հայորդիներու մնայուն քաջալերանքն է, որ սլացք կու տայ մեզի եւ մենք կրնանք ձեռք երկարել մեր այնքան փայփայած հայրենիքին, Սփիւռքին, Արցախին ու Ջաւախքին:

«Այսպիսով է, որ մենք կը գոյատեւենք եւ կը շարունակենք, այնքան ատեն, որ մեր սերունդները իրազեկ կը մնան հայկական մեր աւանդութիւններուն, մանաւանդ՝ մշակոյթին մասին, որուն հարազատ թարգմանն է այսօրուան փառատօնը»:

Եզրակացնելով՝ ան շնորհակալութիւն յայտնեց Մուշեղ արք. Մարտիրոսեանին, որ իր օրհնութիւններով ուժ եւ կորով կու տայ ՀՕՄին, նաեւ արուեստագէտներուն, պարախումբերուն, պարուսոյցներուն եւ նուագախումբերուն, որոնք ՀՕՄի փառատօներու յայտագիրները հայկականութեամբ կը ճոխացնեն՝ փոքրիկ Հայաստանի մը վերածելով հեռաւոր այս անկիւնը, ինչպէս նաեւ շնորհակալութիւն յայտնեց ՀՕՄի բարերարներուն, հովանաւորներուն եւ նուիրատուներուն, որոնց յարատեւ օժանդակութեան շնորհիւ իրականութիւն կը դառնայ  ժողովրդային այս ձեռնարկը:

Ընկերուհին յատուկ շնորհակալութիւն յայտնեց յատկապէս փառատօնի կազմակերպիչ յանձնախումբին եւ բիւրաւոր այն ՀՕՄուհիներուն, որոնք լաւապէս կազմակերպեցին հայապահպանման նպաստող այս փառատօնը:

Այնուհետեւ, իր օրհնութիւնները փոխանցեց Մուշեղ արք. Մարտիրոսեան, որ առաջին հերթին փառք տուաւ Աստուծոյ, որ անգամ մը եւս առիթը ընծայած էր համախմբուելու եւ վայելելու ՀՕՄի կազմակերպած 10րդ տարեկան փառատօնը…: Ես կ՛ողջունեմ ձեզ բոլորդ այս ուրախ առիթով եւ վստահ եմ այսօր ու վաղը, համով-հոտով պիտի վայելենք ոչ միայն մեր հայկական ուտելիքները, այլ մեր արուեստի եւ մշակոյթի իւրաքանչիւր հարստութիւնը՝ պարով, երգով, ձեռարուեստով եւ ամէն ձեւերով. մենք ուրախութեան եւ ցնծութեան պահեր պիտի ունենանք»:

Այնուհետեւ տեղի ունեցաւ պարգեւատրման գեղեցիկ պահը: ՀՕՄի շրջանային վարչութիւնը, յատուկ գնահատագիրներու յանձնումով՝ իր երախտագիտութիւնը յայտնեց բոլոր այն հովանաւորներուն եւ մամուլի ներկայացուցիչներուն, որոնք անցնող 10 տարիներուն, անընդմէջ հովանաւորած եւ ՀՕՄի փառատօնի քարոզչութեան օգտակար հանդիսացած էին:

Գնահատագիրներ ստացան նաեւ փառատօնի կազմակերպման եւ անոր յաջողութեան նպաստած ընկերուհիներ Սաթենիկ Նալպանտեան, Էմմա Կարապետեան, Սեդա Խոճայեան, Սեդա Դարբինեան եւ Վարդուհի Վանլեան: Յատուկ գնահատագիր յանձնուեցաւ նաեւ ծանօթ խօսնակ Արշիկ Դարբինեանին, որ անցնող 10 տարիներուն, անընդմէջ, կատարած էր ՀՕՄի փառատօներու բացման հանդիսութիւններու հանդիսավարութիւնը:
Գնահատագիրներու յանձնումին յաջորդեց ՀՕՄի փառատօնին 10ամեակը խորհրդանշող կարկանդակի հատումը, զոր կատարուեցաւ ներկայ հիւրերու, շրջանային վարչութեան եւ կազմակերպիչ յանձնախումբի անդամներուն կողմէ:

Բացման հանդիսութեան վերջին բաժինով, ՀՕՄի Շաբաթօրեայ վարժարանի աշակերտութիւնը հրամցուց հայկական մանկական երգերու փունջ մը, որ մեծապէս գնահատուեցաւ ներկաներուն կողմէ: Այնուհետեւ փառատօնը շարունակուեցաւ, ուրախ մթնոլորտի մը մէջ:

Երկօրեայ յայտագիրին մաս կազմեցին եւ իրենց գեղեցիկ պարերով ներկաները ոգեւորեցին Համազգայինի «Անի» միաւորի, «Տաւիղ», «Կարաւան», «Կիլիկիա», «Կռունկ», Լիլիա եւ Դաւթեան-Մարիամեան մշակութային հիմնարկութեան «Անոյշ» պարախումբերը: Իսկ ժողովրդային, ազգային եւ էսդրատային երգերով ելոյթ ունեցան գաղութի սիրուած արուեստագէտներ Արման Պաղչէճեան, Տիանա Սէրմանուկեան, Գագիկ Բադալեան, Գէորգ Չագմանեան, Յարութ Ճըքալեան, Հրաչ Պողարեան, Սահակ Սիսլեան, Դաւիթ Մինասեան, Վարուհի Շահինեան, Վաչէ Յակոբեան, Հոյ Լարի, ինչպէս նաեւ Համազգայինի Կլենտէյլի մասնաճիւղի «Տարօն» մանկական աշուղական երգչախումբի մեներգողներ Մարի Արօ եւ Սինթիա Ղազարեան, Տաղանդաւոր երաժշտական ընտանիքի աշակերտ Ալեքս Մելքումեան եւ Յարութ Փամպուքճեան: Փառատօնին մասնակցած արուեստագէտներուն ընկերակցեցաւ եւ առանձին հայկական պարեղանակներով մթնոլորտը ճոխացուց «Քնար» նուագախումբը:
Անգամ մը եւս ներկաներուն հայկական շուրջպարեր սորվելու առիթը ընծայեցին պարուսոյցներ Սարօ Ասատուրեան եւ Սիմոն Օքսազեան: Առաւե՛լ, պարուսոյց Սարօ, այս տարի եւս կենդանի պատկերով ներկայացուց հայկական հարսանիքը՝ իսկական հարսանեկան մթնոլորտ մը ստեղծելով սրահէն ներս:
Կիրակի, 1 Մայիսի ամբողջ օրուան յայտագիրի հանդիսավարութիւնը կատարեց հեռատեսիլի խօսնակ Հուրիկ Ֆուրնուզեանը, որ օրուան արուեստագէտներն ու պարախումբերը լաւապէս ներկայացնելէ բացի, գեղեցիկ իր ոճով ներկաներուն ծանօթացուց նաեւ ՀՕՄի առաքելութիւնը, հետապնդած նպատակները եւ յատկապէս շրջանի ՀՕՄի գործունէութիւնը:

«Սիվիք» հանդիսասրահի Ա. յարկը տրամադրուած էր հայկական մեր մշակոյթի եւ աւանդութիւնները յիշեցնող իրերու ցուցադրման: Ակնյայտ էր հայկական լաւաշ հացի պատրաստութիւնը: Հմայիչ էին ցուցադրուող հայկական մեր տարազները, ձեռագործներու գեղեցիկ օրինակները, հայ հարսին օժիտը, հայկական նուագարանները եւ հին սովորութիւնները յիշեցնող իրերը, արուեստի նմոյշները, գծագրութիւնները, ձեռային աշխատանքները, ինչպէս նաեւ Քեսապի ու Խարբերդի հայրենակցական միութիւններու աւանդութիւնները ներկայացնող տարազները, ձեռագործներն ու իրերը: Յատկանշական էր յատկապէս Խարբերթի թանապուրը, որ հրամցուեցաւ այդ անկիւնը այցելողներուն: Տպաւորիչ էին նաեւ Նոր Ջուղայի 130ամեակը արտացոլող պատմական նկարներն ու իւրայատուկ իրերը:
Նոյն յարկին վրայ, այս տարի եւս մանուկները ունեցան իրենց առանձին անկիւնը, ուր այլազան խաղերով ու յաղթանակի նուէրներով ուրախ ժամանց ունեցան մեծ թիւով երեխաներ ու պատանիներ:

Հրամցուող ճոխ ծրագիրներուն առընթեր, վաճառուեցան ՀՕՄուհիներու կողմէ սիրայօժար պատրաստուած հայկական համադամ ճաշերն ու անուշեղէնները:
Երկօրեայ փառատօնը վերջ գտաւ երեկոյեան ժամը 7ին, սիրուած երգիչ Յարութ Փամպուքճեանի երգերով, որոնց ստեղծած խանդավառ մթնոլորտը ոտքի հանեց ողջ ներկաները եւ յատկապէս կամաւոր ՀՕՄուհիները, որոնք երկօրեայ փառատօնի յաջողութեամբ ոգեւորուած՝ շուրջպարերով եւ Յարութին երգերուն ընկերակցելով իրենց յոգնութիւնը մոռցած՝ տօնախմբեցին փառատօնին յաղթանակը:

Ազգային շունչով ու հայկականութեամբ լեցուած ներկաները գոհունակութեամբ մեկնեցան տուն, անգամ մը եւս իրենց օրհնութիւնները փոխանցելով ՀՕՄին:
Իր 10րդ փառատօնի իրագործումով, շրջանի Հայ Օգնութեան Միութիւնը փաստեց, թէ ինք իր մարդասիրական ծառայութեան առընթեր, պահապան հրեշտակն է նաեւ մեր աւանդութիւններուն եւ մշակոյթին:

Post a comment