Blog

Mesrobian Armenian School Receives Grant from ARS Ani Chapter (in Armenian)

ՀՕՄի Անի Մասնաճիւղի Աջակցութիւնը Մեսրոպեան Վարժարանին

ՓԻՔՕ ՌԻՎԵՐԱ.-  Հոկտեմբեր 30ին, Մոնթեպելլոյի Հայ Օգնութեան Միութեան Անի մասնաճիւղի ատենապետուհի Նուարդ Մուրատեան եւ գանձապահ Լիւսի Եագուպեան՝ Մեսրոպեան Վարժարան  այցելեցին ու տեսակցեցան վարժարանի տնօրէն Սեդօ Պոյաճեանի հետ։ Անոնք վերահաստատեցին մասնաճիւղի զօրակցութիւնը եւ այս առթիւ տնօրէնին յանձնեցին նուիրատուութեան չէք մը՝ վարժարանի նիւթական կարիքներուն համար։

Հանդիպման աւարտին, Պոյաճեան արտայատեց վարժարանին երախտագիտութիւնը ՀՕՄի Անի մասնաճիւղի շարունակական աջակցութեան համար։ Ան ըսաւ, «Մշտապէս երախտապարտ ենք մեր վարժարանին նկատմամբ Անի մասնաճիւղի ցուցաբերած բարոյական ու նիւթական հետեւողական զօրակցութեան համար։ Յատկապէս շնորհակալ ենք տիկ. Մուրատեանին, տիկ. Եագուպեանին եւ փոխ-ատենապետուհի տիկ. Էլիզապէթ Խանճեանին, որոնք մղիչ ուժերն են Մեսրոպեանի ի նպաստ հասութաբեր ձեռնարկներու նախաձեռնման։»

Post a comment