Blog

New ARS Saturday School in North Valley

The Armenian Relief Society (ARS) Lori Chapter of Northern San Fernando Valley will open its doors to a new Saturday school on September 14, 2013, at 17422 Chatsworth St., Granada Hills, CA 91344. Classes will be held from 10 a.m. to 1 p.m.

“Our school will provide Armenian language and culture instruction for those students who attend public schools,” said Arsho Avakian, Chapter Executive Chairperson. She welcomed parents to visit the school, meet the experienced instructors and sign up their children.

The ARS Lori Chapter is the youngest chapter in the ARS of Western USA. It was established 2011 and among its 53 member are many members with young children. Parents can contact the chapter at (818) 488-9267 or email to the following address: [email protected]. Information about the Lori Chapter is available at https://arswestusa.org/index.php/lori-chapter.

ՀՕՄի Լոռի Մասնաճիւղը Պիտի Ունենայ Իր Շաբաթօրեայ Վարժարանը

ԿՐԱՆԱՏԱ ՀԻԼԶ.- Մարտ 2011էն ի վեր, Հիւսիսային Սան Ֆերնանտօ շրջանին մէջ կը գործէ Հայ Օգնութեան Միութեան Արեւմտեան ԱՄՆի «Լոռի» մասնաճիւղը, որ իր աշխոյժ գործունէութեամբ ներկայութիւն դարձած է շրջանէն ներս: Հազիւ քանի մը տարիներու կեանք ունեցող այս մասնաճիւղը արդէն իսկ իր շուրջ համախմբած է աւելի քան յիսուն երիտասարդուհիներ, որոնք հաւատալով ՀՕՄի առաքելութեան, իրենց առաւելագոյնը ի գործ կը դնեն ծանօթացնելու Հայ Օգնութեան Միութիւնը իրենց շրջանէն ներս:

Աւելի՛ն: Մասնաճիւղը հայեցի դաստիարակութեան կարեւորութենէն մղուած նախաձեռնած է ունենալու իր Շաբաթօրեայ վարժարանը, որուն ծրագիրը բծախնդրութեամբ մշակած ըլլալով, անոր բացումը պիտի ունենայ Շաբաթ, 14 Սեպտեմբեր 2013ին առաւօտեան ժամը 10ին: Դասաւանդութիւնները տեղի պիտի  ունենան ամէն շաբաթ օր, առաւօտեան ժամը 10էն մինչեւ կէսօրէ ետք ժամը 1, շրջանի հայ կեդրոնէն ներս, 17422 Chatsworth Street, Granada Hills, CA 91344:

«ՀՕՄը իր ստեղծումէն ի վեր եղած է ու կը շարունակէ մնալ իր ժողովուրդին կողքին եւ առաւելագոյն ճիգերով կը փորձէ պահպանել հայութեան մշակութային ինքնուրոյնութիւնը» ըսաւ «Լոռի» մասնաճիւղի ատենապետուհի Արշօ Աւագեան հպարտութեամբ: Ան ընդգծեց, թէ «Այս հրամայականէն մեկնած, մասնաճիւղը նախաձեռնած է ազգանուէր այս աշխատանքը, որպէսզի յատկապէս տեղական վարժարաններ յաճախող հայ երեխաները չզրկուին ՀՕՄի վարժարաններու բարիքներէն եւ սորվին իրենց մայրենի լեզուն»:

Մասնաճիւղը կը հրաւիրէ շրջանի հայութիւնը, իրենց երեխաները առաջնորդելու հայկական այս նոր կրթօճախը, ուր պիտի դասաւանդեն փորձառու եւ հմուտ ուսուցչուհիներ: Վարժարանի մասին մանրամասնութիւններու համար կարելի հեռաձայնել (818) 488-9267 թիւին կամ [email protected] հասցէին:

Բարի երթ ու յաջողութիւն կը մաղթենք ՀՕՄի «Լոռի» մասնաճիւղին, ազգանուէր իր այս նախաձեռնութեան համար:

Post a comment