Blog

Support ARS Javakhk Fund Programs (In Armenian)

e8dcebfd55c9d5d7bbfc0a0f8263a6f3_xsՔաջալերեցէ՛ք ՀՕՄի Ջաւախք Հիմնադրամի Ծրագիրները

Հայ Օգնութեան Միութեան Ջաւախք Հիմնադրամի յանձնախումբը, իր ազգանպաստ աշխատանքներով, մօտէն կը հետեւի Ջաւախքի հայկական գաղութներու ուռճացման եւ հայկական դիմագիծի պահպանման։ Յանձնախումբը կազմակերպած է տարեկան նաւապտոյտ մը եւ դասախօսութեան ծրագիրներ, այս երեւոյթը տարածելու եւ հանգանակութեամբ նպաստելու Ջաւախքի զարգացման։

Ծրագրուած Ընթրիք/նաւապտոյտը տեղի պիտի ունենայ Կիրակի, 1 Մարտ 2015ին։ Մեկնումը՝ նիւփորթ Պիչ նաւահանգիստէն կ.ե. ժամը 4ին։ Ձեռնարկի հիւր դասախօսն է Ջաւախքի ծնունդ եւ պատմաբան փրոֆ. Աշոտ Մելքոնեանը, իսկ պատուոյ հիւրերը՝ Պրն. Ալէք եւ Տոքթ. Ալենոյշ Բաղդասարեանները։

«Մեր համայնքը եւ ազգը բախտաւոր է, որ Ալեք եւ Ալենոյշ Բաղդասարեաններու նման անձնաւորութիւններ ունի, որոնք կը զօրակցին եւ կը նուիրեն բազմաթիւ կարեւոր դատերու։ Անոնք ոչ միայն քաղաքավար, անձնուրաց եւ ազնիւ անհատներ են, այլ նաեւ՝ տեսլական ունեցող հայորդիներ», ըսաւ Ջաւախք հիմնադրամի յանձնախումբի ատենապետուհի լենա Պօզոյեան։

Փրոֆ. Աշոտ Մելքոնեան «Ջաւախքի անցեալը, ներկան եւ ապագան» նիւթին մասին պիտի դասախօսէ Կլէնտէյլի եւ Սան Ֆրանսիսքոյի մէջ։

•Ուրբաթ, Մարտ 6, 2015ին, երեկոյեան ժամը 7ին, Կլէնտէյլի Կեդրոնական Գրադարանէն ներս. հասցէն՝ 222 E. Harvard St., Glendale, Calif.

•Կիրակի, Մարտ 8, 2015ին, Ս. Պատարագէն անմիջապէս ետք (կ.ե. ժամը 1։30ի շուրջ), Վասպուրական Սրահէն ներս. հասցէն՝ 51 Commonwealth Ave., San Francisco, Calif.

***

ՀՕՄի ԱՄՆի Արեւմտեան շրջանը հիմնուած է 1984ին, իր կեդրոնատեղին ունենալով Քալիֆորնիոյ նահանգի Կլէնտէյլ քաղաքին մէջ: Ան 26 մասնաճիւղերով մարդասիրական կազմակերպութիւն մըն է, չորս նահանգներու մէջ գործող աւելի քան 1,200 անդամներով: Շրջանի ՀՕՄը ունի Ընկերային Ծառայութեան բաժանմունքը, հոգեբանական կեդրոնը եւ կը հովանաւորէ զանազան պատանեկան-երիտասարդական ծրագիրներ, կրթանպաստներ եւ այլ նպաստներ: Մանրամասնութիւններու համար հաճեցէք այցելել ՀՕՄի www.arswestusa.org կայքէջը կամ հեռաձայնեցէք (818) 500-1343 թիւին:

Post a comment