Blog

Third Annual ARS Winter Wonderland Coming to Glendale (in Armenian)

ՀՕՄի 3րդ Ձմեռնային Հրաշալիքներու Փառատօն՝ Կլենտէյլի Մէջ

Հայ Օգնութեան Միութեան (ՀՕՄի) Ձմեռնային հրաշալիքներու փառատօնը պիտի դարձեալ վայելէք Կլենտէյլի մէջ՝ 1 եւ 2 Փետրուար 2014ի շաբաթավերջին: Երրորդ տարին ըլլալով այս փառատօնը առատ ձիւն կը բերէ Կլենտէյլի Ս. Աստուածածին եկեղեցւոյ բակը՝ երջանիկ պահեր ստեղծելով մեծերու, փոքրերու եւ բոլոր անոնց, որոնք երբեք ձիւն չեն տեսած:

Այս տարուան գլխաւոր գրաւիչ երեւոյթները առատ ձիւնը, զուարճալի սահնակներն ու հեծապտոյտ (ride) մանկական խաղերն ու համադամ ճաշերն են: Առաջին անգամ ըլլալով պիտի կազմակերպուին մանուկներու տաղանդներու եւ նորաձեւութեան ցուցադրութիւններ, որոնք անկասկած պիտի զուարճացնեն հանդիսատեսը:

Երկօրեայ այս փառատօնը տեղի պիտի ունենայ Կլենտէյլի Ս. Աստուածածին եկեղեցւոյ շրջափակէն ներս, 500 S. Central Ave., Glendale, CA 91204, Շաբաթ, 1 Փետրուար 2014ին՝ կէսօրէն առաջ ժամը 11էն մինչեւ գիշերուան ժամը 10, իսկ Կիրակի, 2 Փետրուարին՝ կէսօրէն ետք ժամը 2-8: Մուտքի նուէր մէկ օրուան համար ընդամէնը $3 (երեք տոլար) է, իսկ երկու օրուանը միասին գնելու պարագային՝ $5 (հինգ տոլար) է: Ձիւնի եւ խաղերու մասնակցութեան տոմսերը առանձնաբար կը վաճառուին:

Փառատօնի գլխաւոր հովանաւորներն են Forest Lawn, Dignity Health եւ Glendale Memorial Hospital and Health Center հաստատութիւնները: Ձեռնարկի հասոյթը պիտի տրամադրուի ՀՕՄի տեղական եւ միջազգային ծրագիրներուն, որոնք կը ծառայեն անհատներու, ընտանիքներու եւ համայնքներու կարիքները մեղմացնելու նպատակին:

***

ՀՕՄի ԱՄՆի Արեւմտեան շրջանը հիմնուած է 1984ին, իր կեդրոնատեղին ունենալով Քալիֆորնիոյ նահանգի Կլէնտէյլ քաղաքին մէջ: Ան 27 մասնաճիւղերով մարդասիրական կազմակերպութիւն մըն է, հինգ նահանգներու մէջ գործող աւելի քան 1500 անդամներով: Շրջանի ՀՕՄը ունի Ընկերային ծառայութեան բաժանմունքը հինգ գրասենեակներով, հոգեբանական կեդրոնը եւ կը հովանաւորէ զանազան պատանեկան-երիտասարդական ծրագիրներ, կրթանպաստներ եւ այլ նպաստներ: Մանրամասնութիւններու համար հաճեցէք այցելել ՀՕՄի www.arswestusa.org կայքջը կամ հեռաձայնեցէք (818) 500-1343 թիւին:

Post a comment