Blog

Western Region’s Concluding ARS Centennial Event

armenia, armenian relief society, non profit, non profit organization, los angeles,

armenia, armenian relief society, non profit, non profit organization, los angeles,Armenian Relief Society members, supporters, and donors filled the Regional Headquarters in Glendale on Sunday, January 16, 2011 for a reception in anticipation of the ARS Centennial Album’s presentation and unveiling of the names of the Centennial Fund’s major sponsors.

The Centennial Album includes a synopsis of 100 years of ARS history and accounts the history of the Western Region as well. Moreover, it includes special messages by political figures, as well as Armenian and non-Armenian organizations, recognizing the ARS Centennial. Serving as a memorable keepsake, pages bear wishes and messages for the ARS and loved ones, including historical and present-day photographs. The final section of the album is dedicated to highlighting the Centennial Fund donors.

With the presence of Vicky Marashlian, ARS Central Executive Chairperson, and Nova Hindoyan, Central Executive board member, the afternoon program commenced with the singing of the American, Armenian, and ARS anthems by Garen Gharibian, Principal of the Daniel Ghazarian Music School in Shushi, Artsakh. Karine Barikian-Setian, Vice-Chair of the ARS of Western USA Centennial Fund Committee, delivered the opening remarks, welcomed guests and announced the fund’s major sponsors, whose names are now set in plaques on the outside wall of the headquarters’ second floor plaza area.

Archbishop Moushegh Mardirossian, Prelate of the Western Prelacy, accompanied by Rev. Father Ardag Demirdjian, blessed the donor wall and, thereafter, guests were welcomed inside the hall of the headquarters where Mako Mgrdichian, Chair of the ARS of Western USA Centennial Fund Committee, delivered the remarks on behalf of the committee. Mgrdichian stressed the importance of entrusting in the ARS and concluded by thanking ARS members, chapters, donors, and all those who continue to support the ARS and its efforts.

ARS Regional Executive Chairperson Arousyak Melkonian conveyed the Board’s message with great focus on the importance of unity and stated, “Be it in any corner of the world, ARS members and supporters strive for the attainment of the same goals, for the fulfillment of the same dreams, and the belief in the same principles. We share the same concerns and, likemindedly, seek the best means to improving the quality of life of every individual, Armenian and non-Armenian, in need.”

Melkonian specifically recognized the valuable patronage of members, supporters, and donors who collectively participated in the Centennial Fund’s efforts through kind-hearted contributions, citing as an example ARS member Nevart Der Ohannessian, who would humbly collect one dollar from known and unknown persons and thereby raised thousands of dollars for the fund. She concluded, “With our centennial year concluded and now at the forefront of our next century of service, we stand confident that this same unity will continue to invoke hope and promise, faith and spirit, in all future endeavors the ARS embarks upon, which benefit our people wherever they may be found, be they throughout the Diaspora, in Armenia, Artsakh, or Javakhk.”

The blessing of the Centennial Album was also performed by Archbishop Mardirossian, who concluded the program with his encouraging and heartfelt remarks, which recalled his own mother’s service as an ARS member in Lebanon and extended wishes of happiness and wellbeing for the ARS.

This reception represented the concluding ARS Centennial event in the Western Region.

ՀԱՅ ՕԳՆՈՒԹԵԱՆ ՄԻՈՒԹԵԱՆ ԱՄՆԻ ԱՐԵՒՄՏԵԱՆ ՇՐՋԱՆԻ ԿԵԱՆՔԷՆ

ՀՕՄի 100ամեակի Նուիրատուներու Պատի Օրհնութիւն Եւ Յուշամատեանի Ներկայացում

Կիրակի, 16 Յունուար 2011ի յետմիջօրէին, ՀՕՄի ԱՄՆ Արեւմտեան շրջանի կեդրոնը ուրախ եռուզեռի մէջ էր. կարմիր գորգ, կանաչ ծառեր, շքեղութեամբ զարդարուած սրահ եւ կարեւորը՝ զուարթ մթնոլորտ: Կէսօրէն ետք ժամը 3ին, արդէն կեդրոնը լեցուն էր բազմաթիւ ՀՕՄուհիներով, համակիրներով եւ նուիրատուներով: Հոն էին թեմիս առաջնորդ Մուշեղ արք. Մարտիրոսեան, ընկերակցութեամբ՝ Կլենտէյլի Ս. Աստուածածին եկեղեցւոյ հովիւ Արտակ քհնյ. Տէմիրճեանի, նաեւ ՀՕՄի կեդրոնական վարչութեան անդամուհիներ ատենապետ Վիքի Մարաշլեան եւ Նովա Հինտոյեան, Ազգային վարչութեան ատենապետուհի եւ վաստակաշատ ՀՕՄուհի Ռիմա Պօղոսեան, ՀՄԸՄի շրջ. վարչութեան ատենապետ Գառնիկ Մկրտիչեան եւ փոխատենապետ Փիեռ Մանուկեան, Կլենտէյլի Ս. Աստուածածին եւ Հոլիվուտի Ս. Կարապետ եկեղեցիներու ու ՀՄԸՄի «Արարատ» մասնաճիւղի ներկայացուցիչներ, հովանաւորներ եւ բազմաթիւ հիւրեր:

æութակահար Ալընի հրամցուցած գեղեցիկ մեղեդիներու ունկնդրումով մէկ ժամուան ընկերային հաճելի ժամանցէն ետք, արարողութիւնները սկիզբ առին Ամերիկայի, Հայաստանի եւ ՀՕՄի քայլերգներու մեներգումով, զոր կատարեց Շուշիի Դանիէլ Ղազարեան երաժշտական դպրոցի տնօրէն Կարէն Ղարիպեանը: Ապա, Մուշեղ արք. Մարտիրոսեան, յատուկ աղօթքով օրհնութիւնը կատարեց ՀՕՄի 100ամեակի առիթով շրջանի հրատարակած յուշամատեանի գլխաւոր նուիրատուներուն պատին, իսկ անոնց անունները ընթերցեց օրուան հանդիսավար, շրջանի ՀՕՄի 100ամեակի հիմնադրամի յանձնախումբի փոխատենապետուհի Կարինէ Բարիկեան-Սէթեանը:

Այնուհետեւ, ներկաները առաջնորդուեցան սրահ, ուր տեղի ունեցաւ նոյն առիթով հրատարակուած յուշամատեանի ներկայացման հանդիսութիւնը: Օրուան հանդիսավարի բարի գալուստի քաղցր խօսքերէն եւ պաշտօնական հիւրերու ծանօթացումէն ետք, ՀՕՄի 100ամեակի հիմնադրամի յանձնախումբին խօսքը փոխանցեց ատենապետուհի Մաքօ Մկրտիչեանը, որ մատնանշելով ՀՕՄի 100ամեակին նուիրուած Սփիւռքի եւ հայրենիքի մէջ իրագործուող հանդիսութիւնները՝ 2010 տարեշրջանը ՀՕՄի մեծ ընտանիքին համար նշանակալից եւ արդիւնաւէտ համարեց:

Իսկ ՀՕՄի յառաջիկայ 100ամեակի ճակատագիրը Հայ մայրերուն վստահելով՝ համոզում յայտնեց, թէ «Ներկայի հայ մայրերու պատրաստակամութենէն եւ յանձնառութենէն կախեալ է ՀՕՄի երկրորդ 100ամեակին իրագործումը: Եթէ կարենանք դաստիարակել ազգային բարձր գիտակցութեամբ ու գիտակցուած հայրենասիրութեամբ հայրենակարօտ զաւակներ, որոնք հայրենիք տենչան ու հաւատան հայ ժողովուրդի ու անոր հայրենիք՝ Հայաստանի յաւերժութեան, ապա անոնք սիրայօժար եւ կամովին կը լծուին ազգային դերակատարութեան, նաեւ յանձնառու կ՛ըլլան ՀՕՄի ջահը վառ պահելու եւ զայն սերունդէ-սերունդ փոխանցելով՝ հասցնելու երկրորդ հարիւրամեակ, եւ այսպէս՝ շարունակաբար»:

Ապա կոչ ըրաւ ներկաներուն վստահելու ՀՕՄին, որուն դերակատարութիւնը անսահման ու անչափելի է աշխարհատարած հայ ժողովուրդի կեանքէն ներս: Ան նաեւ յանձնախումբի անունով շնորհակալութիւն յայտնեց 100ամեակի հիմնադրամի գլխաւոր նուիրատուներուն, ՀՕՄի մասնաճիւղերուն, ՀՕՄուհիներուն եւ բոլոր անոնց, որոնք իրենց լուման դրին Հայ Օգնութեան Միութեան ազգօգուտ գանձարանին մէջ:

ՀՕՄի շրջ. վարչութեան պատգամը փոխանցեց ատենապետուհի Արուսեակ Մելքոնեանը, որ թուագրելէ ետք 100ամեայ ՀՕՄի զօրութիւնը արտայայտող 29 երկիրներու մէջ իրականացուող տեղական, հայրենի եւ միջազգային լայնածաւալ գործունէութիւնը՝ վստահեցուց ներկաները, թէ անիկա արդիւնքն է ՀՕՄի ղեկավարութեան, անդամներուն եւ մանաւանդ՝ համակիրներուն:

Ընկերուհին եւս շնորհակալութիւն յայտնեց ՀՕՄի նուիրատուներուն, որոնք մեծագումար նուիրատուութիւններով կը նպաստեն ՀՕՄի աշխարհատարած ծրագիրներու իրականացման, միաժամանակ փոխանցեց նաեւ, թէ ՀՕՄը ունի այնպիսի անձնազոհ ընկերուհիներ, որոնք շատ փոքրիկ գումարներ քով-քովի բերելով՝ կոկիկ գումարներ հաւաքած են ի նպաստ ՀՕՄի 100ամեակի հիմնադրամի հարստացման:

«Անոնք մեր մղիչ ուժն են, ինչպէս է պարագան մեր շատ սիրելի եւ համեստ ընկերուհի Նուարդ Տէր Օհաննէսեանին, որ հակառակ իր ընտանիքի մեծագումար նուիրատուութեան եւ յառաջացած իր տարիքին, ան լռիկ-մնջիկ, ամէն առիթի մօտեցաւ իր ծանօթին ու անծանօթին, ու մէկական տոլար խնդրելով ՀՕՄի հիմնադրամին համար՝ կրցաւ հազարներ հաւաքել: Ահա այս է ՀՕՄուհիի տիպարը, որուն հարազատ թարգմանը կը հանդիսանայ ինքը՝ Ն. Տէր Օհաննէսեան, եւ շա՜տ իրեն նմաններ», շեշտեց Մելքոնեան:

Իսկ եզրակացնելով՝ ան ընդգծեց. «ՀՕՄը հաստատակամութեամբ գործեց ու ամբողջ դար մը իր ժողովուրդին ծառայեց: Հզօրացուց իր շարքերը եւ յաղթահարեց իր դէմ ցցուած բոլոր դժուարութիւնները:

«Այսօր, նոր դարու շեմին, ՀՕՄի 100ամեայ յաջողութիւններով գօտեպնդուած՝ պատրաստ ենք նոր մարտահրաւէրներով դիմագրաւելու ՀՕՄի նոր դարաշրջանը, գործելով, ծաղկելով եւ ուռճանալով հոն, ուր հայկական գաղթօճախներ կան, հոն՝ ուր մեր կանչը հասանելի կը դառնայ:

«Մենք յաւերժ կը մնանք, այնքան ատեն, որ մեր ժողովուրդը հաւատքով կը զօրակցի մեզի, եւ մենք հաւատքով կը շարունակենք գործել «Ժողովուրդիս հետ, ժողովուրդիս համար»:

Այնուհետեւ Մաքօ Մկրտիչեան, առիթը պատեհ նկատելով՝ ներկայացուց եւ շնորհակալութիւն յայտնեց յուշամատեանի յանձնախումբի անդամուհիներուն՝ Կարինէ Բարիկեան-Սէթեանի (պատ.), Աստղիկ Շիթիլեանի, Սոնա Մատարեանի, Լինտա Գանտիլեանի, Ժասիկ æառահեանի եւ Նայիրի Տէրտէրեանի, որոնք գիշեր-ցերեկ տքնաջան աշխատելով՝ կրցան հրապարակ հանել սպասուած յուշամատեանը:

Ընկերուհին յատուկ շնորհակալութիւն յայտնեց ՀՕՄի շրջ. վարչութեան փոխատենապետուհի Նայիրի Տէրտէրեանին, որ էջադրումը կատարեց յատկանշական այդ յուշամատեանին՝ մեծապէս դիւրացնելով անոր տպագրական գործընթացը: Ընկերուհին յատուկ շնորհակալութիւն յայտնեց նաեւ յուշամատեանի մեկենաս, ազգային բարերար Ռաֆֆի Մանուկեանի մօր՝ Սիրանոյշ Մանուկեանին, եւ այնուհետեւ ներկայացուց մանրամասնութիւնները գիրքին, որ գլխաւորաբար բաժնուած է չորս բաժիններու՝ Ազգային եւ օտար հաստատութիւններու խօսքերը, ՀՕՄի ընդհանուր եւ Արեւմտեան շրջանի պատմականը, Մաղթանքներ եւ Նուիրատուներու անուանացանկ:

Յուշամատեանի օրհնութիւնը Մաշտոցի յատուկ աղօթքով կատարեց առաջնորդ հայրը եւ խնդրեց Աստուծմէ, որ «Այս յուշամատեանը առաւել եւս զօրացնէ եւ պայծառացնէ նուիրական ոգին ու ծառայութեան գիտակցութիւնը Հայ Օգնութեան Միութեան բոլոր անդամներուն, եւ ի նշան այդ առաքելութեան, պատրաստակամութեան եւ ծառայութեան՝ օրհնէ այս յուշամատեանը»:

Այնուհետեւ օրհնուած առաջին յուշամատեանը նուիրուեցաւ Ազգ. առաջնորդարանին, իսկ երկրորդը՝ ՀՕՄի կեդրոնական վարչութեան:

Հանդիսութեան վերջին բաժինով, հայրական իր պատգամը փոխանցեց Մուշեղ արք. Մարտիրոսեանը, որ իր գնահատանքը արձանագրեց ու իր ցնծութիւնը արտայայտեց ՀՕՄի 100ամեակին նուիրուած օրուան եզակի այս ձեռնարկին համար, որով «հայ ժողովուրդի ծառայութեան շէնքին վրայ նոր քար մը եւս կ՛աւելնայ, ու յատկապէս ՀՕՄի անդամուհիներու յանձնառութեան ոգին առաւել եւս կը վերանորոգուի»:

Իսկ ակնարկելով ՀՕՄի նուիրատուներու պատի օրհնութեան՝ ան ընդգծեց, թէ հոն միայն արձանագրուած անունները չեն, որոնք պիտի տեսնուին, այլ՝ «…այնտեղ մենք պիտի տեսնենք մեր ժողովուրդի զոհողութեան ոգին, մեր ժողովուրդի յանձնառութեան եւ նուիրումին պատրաստակամութիւնը, մեր ժողովուրդին դարերէն եկող հաւատքը՝ իր խոր արմատներով, մեր ժողովուրդին ապագային նայող վառ յոյսերը եւ մանաւանդ մեր կազմակերպութեանց ու մեր միութեանց անդամներուն միջեւ սէրը եւ գործակցութիւնը»:

Ապա, շնորհաւորելով ՀՕՄի 100րդ տարեդարձը՝ երկար կեանք, երկար ծառայութիւն, առողջութիւն եւ երջանկութիւն մաղթեց ՀՕՄին, ու վստահեցուց, թէ «կազմակերպութեան մը առողջութիւնը կը կայանայ իր անդամներու իւրաքանչիւրի հոգիին, էութեան, մտածելակերպին եւ գործելակերպին մէջ»:

Պաշտօնական յայտագիրի աւարտին, ընկերային զուարթ մթնոլորտը շարունակուեցաւ: Միաժամանակ, ներկաները հերթով ստացան յուշամատեանը:

Ներկաները, ուշ երեկոյին, ՀՕՄի ուխտով վերանորոգուած մեկնեցան տուն, այն հաստատ համոզումով, որ պիտի շարունակեն անբաժան մասնիկը հանդիսանալ ՀՕՄին, որպէսի իրենց արդար բաժինը բերեն մարդասիրական այս հսկայ կազմակերպութեան անսահման ծառայութիւններուն:

ՄԱՐՕ ՔԷՇԻՇԵԱՆ

Post a comment